San Juan 5:7 - Ti Biblia (1973)

⁷ Simmungbat kencuana di masakit: Apo, awan ti tao a mangipisoc caniac idiay tanke no makibur ti danum; na no mapmapanac pay laeng, nacababan ti sabali nga umununa ngem siac.

Ti Baro a Naimbag a Damag Biblia

⁷ “Apo,” kinuna ti masakit, “awan ti mangitapog kaniak iti pagdigosan apaman a makibur ti danum. Ta no irubrubbuatko pay laeng ti mapan, adda nakatapogen.”

San Juan 5:7 Iomraidhean Croise

Dagiti Salmo 142:4

Mingmingam toy imac a canawan, ket makitam; ta awan tao a macabigbig caniac: naawananac iti pagcamangan; awan tao a mangitaltalec itoy cararwac.

Dagiti Salmo 72:12

Ta ispalennanto ti macasapul intono umkis, ken ti napanglaw nga awan mangarayat kencuana.

San Juan 5:2

Ket adda idiay Jerusalem iti abay ti ruangan dagiti carnero ti maysa a tanke, a managan Betesda iti sao ti Hebreo, isu nga adda lima nga arcona a sercan,

San Juan 5:3

Cadagitoy adda a nagididda dagiti adu a masacsakit, bulbulsec, pilpilay, saan a macagunay, (nga agur-uray iti ti panaggaraw ti danum.

San Juan 5:4

Ta maysa nga angel bumaba idi iti maysa a canito idi tanke ket kiburenna ti danum; ti umuna ngarud a sumrec idi tanke iti calpasan ti pannacakibur ti danum, maagasan iti uray ania a sakit nga adda kencuana.)

San Juan 5:6

Idi makita ni Jesus daytoy a naidalit, ken naammoanna nga adda idiay a nabayagen iti daydi a casasaad, kinunana kencuana: Cayatmo ti mapaimbag?

Taga-Roma 5:6

Ta idi nacapsuttayo pay laeng idi tiempo a pannacaipaayna ni Cristo natay gapu cadagiti managdacdakes.

1 Taga-Corinto 9:24

Saanyo nga ammo nga iti paglulumbaan agtarayda amin, ngem maymaysa laeng ti umawat ti gonggona? Agtaraycayo met iti casta, tapno magunodanyo.

Deuteronomio 32:36

Ta ni Jehova ocomennanto ti ilina, ket agbabawinto gapu cadagiti ad-adipenna; no makitana a naibusen ti bilegda, ken awan ti matda a balud wenno agwayawaya.