San Juan 5:40 - Ti Biblia (1973)

⁴⁰ Ket nupay casta madicayo nga umay caniac, tapno maaddaancayo coma ti biag.

Ti Baro a Naimbag a Damag Biblia

⁴⁰ Ngem diyo met kayat ti umay kaniak tapno agbiagkayo.

San Juan 5:40 Iomraidhean Croise

Dagiti Salmo 81:11

Ngem ti ilic dina impangag ti timecco; ken ti Israel dinac kinayat.

Isaias 49:7

Castoy ti cuna ni Jehova, a Mannubbot ti Israel ken Santona, isu nga umumsien ti tao, isu a guraen ti nacion, iti maysa nga adipen dagiti agtuturay: Dagiti ar-ari makitadanto ken tumacderda; dagiti panguloen, ket isuda agdayawdanto; gapu ken ni Jehova a matalec, ti Santo ti Israel, a namili kenca.

Isaias 50:2

Apay ngarud, nga idi immayac nga awan ti tao? idi immayabac, awan ti simmungbat? Napaababa aya ti imac, tapno saanna a mabalin ti manubbot? wenno awan aya ti pannacabalinco a mangisalacan? Adtoy, iti panangtubngarco paatianac ti baybay, aramidec dagiti carcarayan a let-ang: dagiti icanda agbuyocda, ta awan ti danum, ket matayda iti waw.

San Mateo 22:3

Ket imbaonna dagiti adipenna tapno ayabanda dagiti naawis iti boda; ngem dida kinayat ti immay,

San Mateo 23:37

O Jerusalem, Jerusalem a mamapatay cadagiti mammadto, ken mangubor cadagiti maibaon kenca! Naminano a kinayatco nga urnongen coma dagiti annacmo, a cas iti maysa nga upa urnongenna dagiti piecna iti siroc dagiti payacna, ket dica kinayat!

San Juan 1:11

Immay cadagiti cucuana, ket dagiti taona isu saanda nga inawat.

San Juan 10:10

Ti mannanacaw saan nga umay no di tapno agtacaw, ken agpatay, ken agdadael: siac immayac tapno maaddaanda ti biag ken tapno maaddaanda ti nawadwad unay.

San Juan 3:19

Ket daytoy ti pacaocoman, ta ti silaw immay iti lubong, ket dagiti tao inayatda ti sipnget a nangnangrona ngem iti lawag; ta dakes idi dagiti aramidda.

San Juan 5:39

Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

San Juan 5:41

Diac awaten ti dayaw a nataoan.

San Juan 5:44

Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

San Juan 6:40

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

Taga-Roma 6:23

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.