San Juan 5:4 - Ti Biblia (1973)

⁴ Ta maysa nga angel bumaba idi iti maysa a canito idi tanke ket kiburenna ti danum; ti umuna ngarud a sumrec idi tanke iti calpasan ti pannacakibur ti danum, maagasan iti uray ania a sakit nga adda kencuana.)

Ti Baro a Naimbag a Damag Biblia

⁴ ta pasaray bumaba ti maysa nga anghel ti Apo iti pagdigosan ket kiburenna ti danum. Ti umuna kadagiti masakit a tumapog iti danum kalpasan ti pannakakiburna, maagasan iti aniaman a sagsagabaenna.]

San Juan 5:4 Iomraidhean Croise

2 Ar-ari 5:10

Ket ni Eliseo nangibaon kencuana, a kinunana, Inca ket agdigusca iti maminpito a daras idiay Jordan, ket ti lasagmo mabaliwanto kenca, ket nadaluscanto.

Dagiti Salmo 119:60

Nagalallegac, ket diac nagtantan, a mangannurot cadagiti bilbilinmo.

Dagiti Proverbio 6:4

Dica paturogen dagiti matam, ken dica met pagridepen dagiti calub ti matam;

Dagiti Proverbio 8:17

Ayatec dagiti agayat caniac; ket dagiti mangbiruc a sigaganetget caniac masaracandacto.

Eclesiastes 9:10

Ti aniaman a masaracan ta imam nga aramiden, isu ti aramidem iti cabaelam; ta awan ti aramid, wenno, wenno gacat, wenno pannacaammo, wenno sirib, idiay Tanem, a papanam.

Ezekiel 47:8

Idin kinunana caniac, Dagitoy a danum rumuarda nga agturong iti makindaya a daga, ket agayusda iti Araba; ket agturongdanto iti baybay; idiay baybay mapanto dagiti dandanum a napaayus; ket dagiti dandanum maimbagandanto.

Oseas 13:13

Dagiti leddaang ti babai nga agpasical, dumtengdanto kencuana: isu maysa nga anac a nanengneng; ta pannawen a saan coma nga agtactac iti disso a pacaipasngayan dagiti annac.

Zacarias 13:1

Iti daydiay nga aldaw addanto maysa nga ubbog a silulucat nga agpaay iti balay ni David ken cadagiti agnaed iti Jerusalem, maipaay iti basol ken maipaay iti kinarugit.

Zacarias 14:8

Ket maaramidto iti daydiay nga aldaw, a nabiag a dandanum rumuardanto nga aggapu ti Jerusalem; ti cagudua dagidiay agpa-baybay iti daya, ket ti cagudua dagidiay agpa-baybay iti laud; castanto iti pannawen ti pudot ken lam-ec.

San Mateo 11:12

Nanipud cadagiti aldaw ni Juan a Bautista agingga ita, ti pagarian ti langit magunodan babaen iti nainget a pigsa, ket dagiti napinget ti macagunod kencuana.

San Mateo 6:33

Ngem birukenyo nga umuna ti pagarian ti Dios ken ti kinalintegna, ket isu-amin dagitoy a banbanag mainayondanto cadacayo.

San Lucas 13:24

Agawaanyo ti sumrec iti ruangan a nailet; ta cunac cadacayo nga adu dagiti agsapulto no casano ti iseserrecda ket didanto mabalin.

San Lucas 16:16

Ti linteg ken dagiti mammadto agpatinggada ken Juan: nanipud idin ti evangelio ti pagarian ti Dios maipacaammo, ket tunggal maysa aggarasugas a sumrec kencuana.

San Juan 5:3

Cadagitoy adda a nagididda dagiti adu a masacsakit, bulbulsec, pilpilay, saan a macagunay, (nga agur-uray iti ti panaggaraw ti danum.

San Juan 5:5

Ket adda idiay idi ti maysa a tao nga adda tal-lo pulo ket walo a tawenen a masakit.

San Juan 5:7

Simmungbat kencuana di masakit: Apo, awan ti tao a mangipisoc caniac idiay tanke no makibur ti danum; na no mapmapanac pay laeng, nacababan ti sabali nga umununa ngem siac.

1 Taga-Corinto 6:11

Ket cacastada idi dagiti dadduma cadacayo: ngem nadalusancayo, ngem napagsantocayo, ngem mapalintegcayo babaen iti nagan ni Apo Jesu-Cristo, ken iti Espiritu ti Diostayo.

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.