San Juan 5:39 - Ti Biblia (1973)

³⁹ Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

Ti Baro a Naimbag a Damag Biblia

³⁹ “Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

San Juan 5:39 Iomraidhean Croise

Dagiti Salmo 1:2

Ngem ti pacaragsacanna adda iti linteg ni Jehova; ket iti lintegna imutectecanna iti aldaw ken rabii.

Dagiti Salmo 119:11

Ti saom indulinco itoy pusoc, tapno diac agbasol kenca.

Dagiti Salmo 133:3

Cas linnaaw sadi Hermon a bumaba cadagiti bantay ti Sion: ta sadiay incumit ni Jehova ti bendicion, ken biag iti agnanayon.

Dagiti Salmo 16:11

Ipakitamto caniac ti dana ti biag: ita sangoanam adda ti naananay a rag-o; ita macanawanmo adda dagiti pacaayaywan nga agnanayon.

Dagiti Salmo 21:4

Dimmawat kenca iti biag, ket iniccam, ti met laeng caatiddug dagiti aldaw iti kinaagnanayon.

Dagiti Salmo 36:9

Ta adda kenca ti ubbog ti biag: ita raniagmo makitaminto ti lawag.

Dagiti Proverbio 6:23

Ta ti pagbilinan isu ti pagsilawan; ket ti linteg isu ti silaw; ket dagiti panangtubngar ti sursuro isuda ti dalan ti biag:

Isaias 34:16

Sapulenyo nga aggapu iti libro ni Jehova, ket basaenyo: cadagitoy awanto ti agcurang, awanto ti mangsapul iti caduana; ta isu ti imbilin ti ngiwatco, ken ti Espirituna inurnongna ida.

Isaias 8:20

Iti linteg ken pammanecnec! no dida agsao a cas mayannurot itoy a sao, saan a pagduaduaan nga awan ti bigat a maipaay cadacuada.

Jeremias 8:9

Dagiti masirib a lallaki maibabainda, maupayda ken mabaludda: Adtoy, naglictadanda ti sao ni Jehova; ket ania a kita ti sirib ti adda cadacuada?

Daniel 12:2

Ket adu cadagidiay a maturog iti tapoc ti daga mariingdanto, ti dadduma iti biag nga agnanayon, ket ti dadduma iti pannacaibabain ken awan ti patinggana nga umsi.

San Mateo 22:29

Ngem ni Jesus simmungbat, ket kinunana cadacuada: Maal-lilawcayo, agsipud ta dicay ammo dagiti Sursurat wenno ti pannacabalin ti Dios.

San Marcos 10:3

Ngem isu simmungbat, ket kinunana cadacuada: Ania ti imbilin cadacayo ni Moises?

San Marcos 12:10

Saanyo pay a nabasa aya daytoy a surat: Ti bato nga imbel-leng dagiti agbangbangon ti balay, isu met laeng ti nagbalin nga olo ti nagsulianan:

San Lucas 16:29

Ngem ni Abraham kinunana: Adda cadacuada ni Moises ken dagiti mammadto: denggenda coma ida.

San Lucas 16:31

Ngem kinunana kencuana: No dida denggen ni Moises ken dagiti mammadto, didanto met mamati no adda maysa nga agungar cadagiti natay.

San Lucas 24:25

Ket kinunana cadacuada: O nacuneng a tattao ken naladaw ti panagpuspusoyo a mamati cadagiti isu-amin a sinao dagiti mammadto!

San Lucas 24:27

Ket idinto a rinugianna manipud ken Moises ken dagiti isu-amin a mammadto, impalawagna cadacuada dagiti amin a sursurat a mangsarita iti maipapan kencuana.

San Lucas 24:44

Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

San Juan 1:45

Ni Felipe sapulenna ni Natanael, ket cunana kencuana: Nasaracanmi daydi insurat ni Moises iti linteg, ken dagiti mammadto: Ni Jesus, a taga Nazaret nga anac ni Jose.

San Juan 5:32

Sabali ti mangpanecnec iti maipapan caniac; ket ammoc a ti panecnec a pangpanecnecna iti maipapan caniac pudno.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 5:40

Ket nupay casta madicayo nga umay caniac, tapno maaddaancayo coma ti biag.

San Juan 5:46

Ta no pinatiyo ni Moises, pinatidac coma, ta isu nagsurat iti maipapan caniac.

San Juan 7:52

Simmungbatda ket kinunada kencuana: Sica met taga Galileaca aya? Sukimatem ket kitaem a manipud idiay Galilea awan ti tumaud a mammadto.

Dagiti Aramid 13:27

Ta dagidi agnaed idiay Jerusalem, ken dagidi agturayda, idinto a dida nailasin daytoy, ken dagiti timec dagiti mammadto a mabasa cadagiti amin nga aldaw a panaginana tinungpalda dagitoy a padto, iti panangdusada kencuana.

Dagiti Aramid 17:11

Ket dagitoy natactacnengda ngem dagiti adda idiay Tesalonica, ta inawatda ti sao a nadardaras unay; inaldaw a sinucsukimatda dagiti sursurat, no pudno dagitoy a banag.

Dagiti Aramid 26:27

Mamatica, ari Agripa, cadagiti mammadto? Ammoc a mamatica.

Taga-Roma 1:2

Nga incarina idi babaen cadagiti mammadtona cadagiti nasantoan a Sursurat,

Taga-Roma 3:2

Adu dagiti pacaipaayanna: umuna, gapu ta naitalec cadacuada dagiti pacdaar ti Dios.

Deuteronomio 18:15

Ni Jehova a Diosmo mamangonto kenca iti maysa a mammadto nga aggapu iti nagtengngaam, cadagiti cacabsatmo, cas caniac; isu ti ipangagyonto;

Deuteronomio 18:18

Mamangonacto cadacuada iti mammadto nga aggapu cadagiti cacabsatda, a cas kenca; ket icabilconto dagiti sasaoc iti ngiwatna, ket saoennanto cadacuada amin ti ibilinconto kencuana.

Deuteronomio 29:29

Dagiti nalimed a banbanag biang ni Jehova a Diostayo; ngem dagiti naipaltiing a banbanag biangtayo ken dagiti annactayo iti agnanayon, tapno aramidentayo ti dagup dagiti sasao daytoy a linteg.

Deuteronomio 32:47

Ta saan a barengbareng cadacayo; gapu ta isu ti pacabiaganyo, ket gapu itoy mapaatiddugyo dagiti al-aldawyo iti daga a panglasatanyo iti Jordan tapno tagicuaenyo.

Taga-Colosas 3:16

Ti sao ni Cristo agtaeng coma cadacayo a sibabacnang iti amin a kinasirib nga agsisinnurocayo, ken agbibinnalacadcayo babaen cadagiti salmos ken himhimno, ken naespirituan a cancancion a cancantaenyo a siiyaman cadagiti puspusoyo iti Dios.

Hebreo 11:16

Ngem ita tarigagayanda ti nasaysayaat a pagnaedan cayatna a sao-en, ti nailangitan: gapuna ti Dios saanna ida nga ibain, nga isu awaganda a Dios da; ta insaganana cadacuada ti pagilian.

Hebreo 11:35

Dagiti babbai inawatda dagiti minatayda babaen ti panagungar; ket dagiti sabsabali napapatayda iti pangpang-or, a dida kinayat ti maluc-atan, tapno magun-odanda ti nasaysayaat a panagungar:

Josue 1:8

Daytoy a libro ti linteg dinto umadayo ita ngiwatmo: no di ket iti aldaw ken iti rabii panpanunotemto, tapno tungpalem nga aramiden ti cas mayalubog iti isua-min nga adda a naisurat kencuana: ta iti casta parang-ayemto ti dalanmo ket iti casta addanto naimbag a banagmo.

Paltiing 19:10

Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.