San Juan 5:30 - Ti Biblia (1973)

³⁰ Awan ti pannacabalinco nga agaramid a sisiac iti uray ania; cas iti mangngegco, mangocomac, ket ti panangocomco nalinteg, ta diac sapulen ti nakemco, no di ket ti nakem ti nangibaon caniac.

Ti Baro a Naimbag a Damag Biblia

³⁰ Intuloy ni Jesus: “Awan ti maaramidko iti bukodko a pannakabalin. Mangukomak laeng kas ibaga kaniak ti Dios, isut' gapuna a nalinteg ti panangukomko, ta saan a ti pagayatak ti aramidek, no di laeng ti pagayatan ti nangibaon kaniak.

San Juan 5:30 Iomraidhean Croise

Genesis 18:25

Adayu coma kenca ti panagaramid ti casta, a patayem ti nasingpet a maicanunung ti nadangkes, nga iti casta ti nasingpet maipada met ti nadangkes; adayu coma dayta kenca: Saan aya a ti Ocom ti amin a daga agaramid iti nalinteg?

Dagiti Salmo 96:13

Iti sangoanan ni Jehova; ta isu umay, ta isu umay a mangocom iti daga: ocomenanto a sililinteg toy lubong, ken dagiti tattao babaen ti kinapudnona.

Isaias 28:6

Ken maysa nga espiritu ti kinajusticia iti daydiay agtugaw iti panangocom, ken pigsa cadagiti mamagtuckiad iti gubat iti ruangan.

Sofonias 3:15

Ni Jehova iniccatna dagiti pannacaocommo, impuruacna ti cabusormo: ti Ari ti Israel, a ni met laeng Jehova, adda iti nagtengngaam; dicanto agbutengen iti dakes uray caano.

San Mateo 26:39

Ket nagna pay bassit iti masangoanan, ket inrucnoyna ti rupana ket nagcararag a cuncunana: Ama, no mabalin lumabas coma caniac daytoy a copa; ngem saan a cas iti cayatco, no di cas iti cayatmo.

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 17:4

Siac indaydayawca ditoy daga: naturposco ti aramid nga intedmo nga aramidec.

San Juan 18:11

Ni Jesus kinunana ngarud ken Pedro: Isublim ta campilanmo iti bainana: ti copa nga inted ni Ama caniac, diac aya rebbeng nga inuman?

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 5:19

Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

San Juan 8:28

Kinuna ngarud ni Jesus: Inton maibayogyon ti Anac ti tao, isunto ti pannacaammoyo a siac daydi ken awan ti aramidec a sisiac; no di ket cas iti insuro caniac ni Ama, dagitoy ti saoec.

San Juan 8:42

Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

San Juan 8:50

Ngem siac diac sapulen ti pacaidayawac: adda maysa a mangdayaw ken mangipato caniac.

Taga-Roma 15:3

Ta uray ni Cristo saanna nga inay-ayo ti bagina; no di ket cas iti naisurat; Dagiti panangum-umsi dagiti nangum-umsi kenca nagtinnagda caniac.

Taga-Roma 2:2

Ket ammotayo a ti panangocom ti Dios a maibusor cadagiti agaramid cadagiti cacasta a banbanag isu ti mayannurot iti pudno.

Taga-Roma 2:5

Ngem cas iti mayannurot iti kinasukirmo ken ti pusom a di agbabawi urnongem ti pungtot a maipaay kenca iti aldaw ti pungtot ken ti pannacaiparangarang ti nalinteg a panangocom ti Dios;