San Juan 5:3 - Ti Biblia (1973)

³ Cadagitoy adda a nagididda dagiti adu a masacsakit, bulbulsec, pilpilay, saan a macagunay, (nga agur-uray iti ti panaggaraw ti danum.

Ti Baro a Naimbag a Damag Biblia

³ Iti linong dagiti arko, agiidda ti adu a masakit: dagiti bulsek, pilay ken paralitiko. [Ur-urayenda ti panaggaraw ti danum,

San Juan 5:3 Iomraidhean Croise

1 Ar-ari 13:4

Ket naaramid idi a ti ari mangngegna ti panagcuna ti lalaki ti Dios, isu nga impuccawna a maibusor iti altar sadi Bet-el, a ni Jeroboam inyunnatna ti imana manipud iti altar, a kinunana, Isu tiliwenyo. Ket ti imana, nga inyunnatna a maibusor kencuana, nagango, iti casta nga isu dina naisubli iti cagagapuna.

Dagiti Proverbio 8:34

Bendito ti tao a dumngeg caniac, nga agpuyat nga inaldaw cadagiti ruanganco, nga agdadaan iti asideg dagiti rikep dagiti ridawco.

Dungdung-aw 3:26

Naimbag a ti maysa a tao manginanama coma ken aguray a siuulimec iti panangisalacan ni Jehova.

Zacarias 11:17

Asi pay iti awan cais-iscanna a pastor a mangbaybay-a iti pangen! ti campilan agdissonto iti tackiagna, ken iti canawan a matana, ti tackiagna mamagmaganto unay, ket ti canawan a matana agsipngetto amin.

San Mateo 15:30

Ket dimteng kencuana dagiti umariwecwec a tattao a nangicuyogda cadagiti pilpilay, bulbulsec, umumel, singsingcol ken adu pay a sabali a masakit; ket incabilda ida iti sacaanan ni Jesus, ket isu pinaimbagna ida.

San Mateo 4:24

Ket nadinamag iti amin a Siria; ket inyegda kencuana dagiti isu-amin nga masacsakit, dagiti kinapet ti nadumaduma a sacsakit ken rigrigat, ken dagiti nagun-gan dagiti sairo, ken dagiti adda bulanbulanenda, ken dagiti di macagunay, ket pinaimbagna ida.

San Lucas 7:22

Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.

San Juan 5:2

Ket adda idiay Jerusalem iti abay ti ruangan dagiti carnero ti maysa a tanke, a managan Betesda iti sao ti Hebreo, isu nga adda lima nga arcona a sercan,

San Juan 5:4

Ta maysa nga angel bumaba idi iti maysa a canito idi tanke ket kiburenna ti danum; ti umuna ngarud a sumrec idi tanke iti calpasan ti pannacakibur ti danum, maagasan iti uray ania a sakit nga adda kencuana.)

Taga-Roma 8:25

Ngem no namnamaentayo ti ditay pay makita ur-urayentayo a siaanus.

Santiago 5:7

Aganuscayo coma ngarud, cacabsat, nga agingga iti iyaay ti Apo. Adtoy, ti agtaltalon urayenna ti napateg a bunga ti daga idinto nga ur-urayenna a siaanus, agingga iti panangawatna iti tudo a nasapa ken ti naladaw.