San Juan 5:26 - Ti Biblia (1973)

²⁶ Ta cas ti Ama adda kencuana met laeng ti biag, casta met impaayna nga ti Anac adda biag kencuana met laeng;

Ti Baro a Naimbag a Damag Biblia

²⁶ Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 5:26 Iomraidhean Croise

Dagiti Salmo 36:9

Ta adda kenca ti ubbog ti biag: ita raniagmo makitaminto ti lawag.

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Exodo 3:14

Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel NI SIAC ti nangibaon caniac cadacayo.

Jeremias 10:10

Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

San Juan 1:4

Adda idi kencuana ti biag, ket ti biag isu idi ti silaw dagiti tao.

San Juan 10:18

Awan ti mangiccat caniac no di ket iyawatco a sisiac. Adda pannacabalinco a mangyawat ti biagco ken adda pannacabalinco met a mangawat manen, Daytoy a bilin inawatco ken Amac.

San Juan 11:25

Cuna kencuana ni Jesus: Siac ti panagungar ken ti biag: ti mamati caniac, uray no matay, agbiagto pay.

San Juan 11:26

Ket siasinoman nga agbiag ken mamati caniac, saanto a matay a pulos. Patiem daytoy?

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 6:57

Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

Dagiti Aramid 17:25

Ket di met pagservian dagiti ima dagiti tattao, a cas la ket adda aniaman a pacasapulannan; idinto nga isu ti mangted cadagiti isu-amin, ti biag ken anges ken dagiti amin a banag;

1 Taga-Corinto 15:45

Casta met nga adda a naisurat: Ti umuna a tao, ni Adam, immay nagbalin a cararua a sibibiag; ngem ti maudi nga Adam, nagbalin a maysa nga espiritu a mambiag.

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

1 Timoteo 6:16

Isu laeng nga adaan iti saan nga ipapatay, nga agnaed iti maysa a lawag a di maasitgan, isu a saan a nakita ti uray siasino a tao, ket di met mabalin a kitaen: isu a madaydayaw ken agturay iti agnanayon, Amen.

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.