San Juan 5:24 - Ti Biblia (1973)

²⁴ Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

Ti Baro a Naimbag a Damag Biblia

²⁴ “Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

San Juan 5:24 Iomraidhean Croise

San Mateo 25:46

Ket dagitoy mapandanto iti dusa nga agnanayon; ngem dagiti nalinteg iti biag nga agnanayon.

San Marcos 16:16

Ket ti mamati ken ti mabautizaran, maisalacanto; ket ti saan a mamati, madusaanto.

San Juan 11:26

Ket siasinoman nga agbiag ken mamati caniac, saanto a matay a pulos. Patiem daytoy?

San Juan 12:44

Ket ni Jesus nagpucaw ket kinunana: Ti mamati caniac, saan a siac ti patienna no di ti nangibaon caniac.

San Juan 20:31

Ngem dagitoy addada a naisurat, tapno patienyo a ni Jesus isu ti Cristo, ti Anac ti Dios; ken tapno gapu iti pammatiyo maaddaancayo ti biag iti naganna.

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

San Juan 3:18

Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

San Juan 4:36

Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

San Juan 6:40

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:50

Daytoy ti tinapay a bumaba manipud langit, tapno ti siasinoman a macapangan coma kencuana, saan coma a matay.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

San Juan 6:58

Daytoy ti tinapay a bimmaba nanipud langit: Saan a cas cadagidi ammayo a nanganda ti mana ket natayda; ti mangan itoy a tinapay, agbiagto nga agnanayon.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

Taga-Roma 8:1

Awan ngarud ita ti aniaman a pannacadusa a maipaay cadagiti adda ken Cristo Jesus,

1 Taga-Tesalonica 5:9

Ta ti Dios saannatayo a tinudingan a maipaay iti pungtot, no di ket tapno magun-odantayo ti pannacaisalacan, gapu ken Apotayo a Jesu-Cristo,

1 Pedro 1:21

A gapu kencuana mamaticayo iti Dios, a namangungar kencuana cadagiti natay, ket isu iniccanna ti dayag, tapno ti pammati ken inanamayo addada coma iti Dios.

1 Pedro 1:5

A gapu iti pannacabalin ti Dios maaywanancayo, gapu iti pammati, a maipaay iti pannacaisalacan, a sisasagana tapno maiparangarang iti camaudianan nga aldaw.

1 Juan 3:14

Ammotayo nga immalistayo nanipud ken patay, agingga iti biag agsipud ta ayatentayo dagiti cacabsat; ti saan nga agayat, agtalinaed ken patay.

1 Juan 5:1

Siasinoman a mamati a ni Jesus isu ti Cristo, nabukel iti Dios; ket siasinoman nga agayat iti nangbukel, ayatenna met ti nabukel kencuana.