San Juan 5:23 - Ti Biblia (1973)

²³ Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

Ti Baro a Naimbag a Damag Biblia

²³ tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

San Juan 5:23 Iomraidhean Croise

Dagiti Salmo 2:12

Agepenyo ti anac, tapno di-agpungtot, ket mapucawcayo iti dalan, ta ti pungtotna nganngani a sumged. Nagasat amin dagidiay a cumamang kencuana.

Isaias 42:8

Siac ni Jehova, dayta ti naganco; ket ti dayagco diacto ited iti sabali, ket diac met ited ti dayawco cadagiti kinitikitan a ladladawan.

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

Isaias 45:15

Pudno a sica ti Dios nga ilimedmo ti bagim, O Dios ti Israel, a Mangisalacan.

Isaias 45:21

Ipablaacyo, ken isu ti iparangyo; wen, agpipinnatigmaanda coma; asino ti nangipakita iti daytoy nanipud idi ugma? asino ti nangipablaac itoy idi nabayagen a pannawen? saan a siac aya, ni Jehova? ket awan ti sabali a Dios no di la sisiac, maysa a nalinteg a Dios ken maysa a Mangisalacan: awanen ti sabali no di la sisiac.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Mateo 10:37

Ti agayat iti ama wenno ina a nangnangrona ngem siac saan a maicari caniac; ket ti agayat iti anac a lalaki wenno babai a nangnangrona ngem siac saan a maicari caniac.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 12:21

Ket iti naganna panginanamaanto dagiti Gentil.

San Mateo 15:8

Daytoy nga umili dayawennac cadagiti bibigda; Ngem ti pusoda adda iti adayu caniac.

San Mateo 28:19

Incayo ngarud, ket pagbalinenyo nga adadalan dagiti amin a nacion, a bautizaranyo ida iti nagan ni Ama, ken ti Anac, ken ti Espiritu Santo:

San Lucas 10:16

Ti dumngeg cadacayo, denggennac; ket ti mamagtalaw cadacayo, pagtalawennac, ket ti mamagtalaw caniac, pagtalawenna ti nangibaon caniac.

San Juan 14:1

Saan coma nga agpulcoc ti pusoyo; mamaticayo iti Dios, mamaticayo met caniac.

San Juan 16:14

Isu idaydayawnacto, ta mangalanto iti cucuac, ket ipacaammonanto cadacayo.

San Juan 17:10

Ket isu-amin dagiti cucuac cucuam ida, ket dagiti cucuam, cucuac: ket maidaydayawac cadacuada.

Taga-Roma 1:7

Cadacayo amin nga adda dita Roma, ay-ayaten ti Dios, ken naawis nga agsanto; Parabur ken talna cadacayo nga aggapu iti Dios nga Amatayo ken ni Apo Jesu-Cristo.

Taga-Roma 15:12

Ket cuna ni Isaias manen: Addanto ti ramut ni Jesse, Ken daydiay bumangonto a mangituray cadagiti Gentiles; Ket mangnamnamanto dagiti Gentiles kencuana.

Taga-Roma 6:22

Ngem ita, ta naluc-atancayo iti basol ket nagbalincayo nga adipen ti Dios, adda bungayo a maipaay iti kinasanto ket ti panungpalanna, biag nga agnanayon.

Taga-Roma 8:9

Ngem saancayo a linalasag, no di ket naespirituan, no bilang ta ti Espiritu ti Dios agnaed cadacayo; ngem ti saan a mangcupicup iti Espiritu ni Cristo, saanna a cucua.

1 Taga-Corinto 1:3

Parabur ken cappia ti Dios nga Amatayo, ken ni Apo Jesu-Cristo maadda coma cadacayo.

1 Taga-Corinto 10:31

Gapuna, uray mangancayo, uray uminumcayo, wenno uray ania nga aramidenyo, aramidenyo amin a maipaay iti dayaw ti Dios.

1 Taga-Corinto 16:22

No adda di agayat ken Apo Jesu-Cristo, mapagtalaw coma. Ti Apo umay coma.

1 Taga-Corinto 6:19

Dicay aya ammo a ti bagiyo isu ti Templo ti Espiritu Santo, nga adda cadacayo, isu a naggapu iti Dios? Ket saanyo a cucua ti bagiyo;

2 Taga-Corinto 1:9

Pudno, a dacam met laeng impapanmi a mataycami; nga dicam agcammatalec cadacam met laeng no di iti Dios a mamagungar cadagiti matay:

2 Taga-Corinto 13:14

Ti parabur ni Apo Jesu-Cristo, ken ti ayat ti Dios, ken ti pannakicadcadua ti Espiritu Santo adda coma cadacayo amin.

2 Taga-Corinto 5:14

Ta ti ayat ni Cristo pilitennacami, idinto nga ipatomi a castoy: Nga no ti maysa natay gapu cadagiti isu-amin; no casta dagiti isu-amin addada idi a natay;

2 Taga-Corinto 5:19

Cayatna a saoen, a ti Dios adda idi ken Cristo a pakicappiaenna toy lubong kencuana met laeng a saanna nga ipabaclay cadagiti tattao dagiti salungasingda; ket intalecna cadacami ti sao ti pannakicappia.

Taga-Efeso 6:24

Ti parabur adda coma cadagiti isu-amin nga agayat a di-agressat ken Apotayo a Jesu-Cristo.

2 Timoteo 1:12

Gapu met itoy sagabaec dagitoy a banag; nupay casta, saanac a mabain; ta ammoc daydiay pinatic, ket mapnecac unay nga isu mannacabalin a mangaywan iti intalecco kencuana a maipaay iti daydiay nga aldaw.

Hebreo 1:6

Ket sabali manen: Idi inyegna ti inauna nga Anac ditoy lubong, cunana: Isu ti pagrucbaban coma dagiti isu-amin nga anangel ti Dios.

2 Pedro 1:1

Ni Simon Pedro, adipen ken apostol ni Jesu-Cristo, cadagiti nairaman cadacami nga immawat met ti napateg a pammati iti kinalinteg ti Diostayo ken Manangisalacan, ni Jesu-Cristo,

2 Pedro 3:18

No saan ket a rumang-aycayo coma iti gracia ken iti panangammo ken Apotayo ken Manangisalacan a Jesu-Cristo. Kencuana maited coma ti panagdaydayaw ita ken iti agnanayon. Amen.

1 Juan 2:23

Siasinoman a mangilibac iti Anac, awan met ti Ama kencuana: ti mangipudno iti Anac, adda met kencuana ti Ama.

2 Juan 1:9

Siasinoman a gumundaway ket saan nga agtalinaed iti sursuro ni Cristo, awan ti Dios kencuana: ti agtalinaed iti sursuro, isu met laeng adda kencuana ti Ama ken ti Anac.