San Juan 5:22 - Ti Biblia (1973)

²² Ta ti Ama awan ti ocomenna, no di ket isu-amin a panangocom intedna iti Anac;

Ti Baro a Naimbag a Damag Biblia

²² Saan a mangukom ti Ama. Intedna iti Anakna ti naan-anay a kalintegan a mangukom,

San Juan 5:22 Iomraidhean Croise

Dagiti Salmo 96:13

Iti sangoanan ni Jehova; ta isu umay, ta isu umay a mangocom iti daga: ocomenanto a sililinteg toy lubong, ken dagiti tattao babaen ti kinapudnona.

Dagiti Salmo 98:9

Iti sangoanan ni Jehova; ta unay a mangocom itoy daga: ocomennanto a sililinteg toy lubong, ken sicacanatad dagiti inilin-ili.

Eclesiastes 11:9

Agrag-oca, O agtutubo a lalaki, iti kinaagtutubom, ket paragsakennaca coma ta pusom cadagiti aldaw ti kinaagtutubom, ket magnaca cadagiti daldalan ta pusom, ken iti imatang dagita matam; ngem ammoem a gapu amin cadagitoy a banbanag iyegnacanto ti Dios iti pannacaocom.

Eclesiastes 12:14

Ta ti Dios iyegnanto ti tunggal aramid iti pannacaocom, agraman tunggal nailemmeng a banag, no isu naimbag, wenno dakes.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 16:27

Ta ti Anac ti tao umayto agraman iti dayag ni Amana ken dagiti angelna: ket iti dayta gungunaannanto ti tunggal maysa cas cadagiti aramidna.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 3:35

Ti Ama ayatenna ti Anac, ket amin dagiti banag impaimanan kencuana.

San Juan 5:27

Ket intedna met kencuana ti kinaturay a mangocom, agsipud ta isu Anac ti tao.

San Juan 9:39

Ket kinuna ni Jesus: Siac immayac ditoy lubong a maipaay iti panacaocom: tapno dagiti saan a macakita, macakitada, ket dagiti macakita, agbalinda a bulsec.

Dagiti Aramid 10:42

Ket imbilinna cadacami a mangascasabacami cadagiti umili ken mangsacsi nga isu ti insaad ti Dios nga Ocom dagiti nabiag ken natay.

Dagiti Aramid 17:31

Agsipud ta intudingna ti maysa nga aldaw, a panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga pinagungarna iti tengnga dagiti natay.

Taga-Roma 2:16

Intono aldaw a ti Dios ocomennanto dagiti palpalimed dagiti tattao, gapu ken Jesu-Cristo cas mayannurot iti evangelioc.

2 Taga-Corinto 5:10

Ta masapul a datay amin maiparangarangtayto iti pangocoman ni Cristo; tapno tunggal maysa awatenna dagiti supapac ti inaramidna babaen ti bagina, naimbag man wenno dakes.

2 Timoteo 4:1

Tarigagayac unay iti imatang ti Dios ken ni Cristo Jesus, isu a mangocomto cadagiti nabiag ken natay, ken gapu iti panagparangna ken ti pagarianna:

1 Pedro 4:5

Isuda idatagdanto daytoy iti daydiay adda a sisasagana a mangocom cadagiti nabiag ken natay.