San Juan 5:19 - Ti Biblia (1973)

¹⁹ Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

Ti Baro a Naimbag a Damag Biblia

¹⁹ Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 5:19 Iomraidhean Croise

Genesis 1:1

Idi punganay ti Dios pinarsuana dagiti langlangit ken ti daga.

Genesis 1:26

Ket ti Dios kinunana, Aramidentayo coma ti tao iti ladawantayo, cas caaspingtayo: ket iturayanda coma dagiti ic-ican ti taaw, ken dagiti tumatayab cadagiti langit ken dagiti an-animal, ken ti amin a daga, ken dagiti amin nga agcarcarayam nga aguy-uyas iti rabaw ti daga.

Dagiti Salmo 138:3

Iti daydi aldaw a panangawagco, sica sinungbatannac, pinaturednac iti pigsa itoy cararruac.

Dagiti Salmo 27:14

Paturaymo ni Jehova: bumilegca, ket tumured coma ta pusom; wen, paturaymo ni Jehova.

Dagiti Salmo 50:6

Ket dagiti langlangit ipalawagdanto ti kinalintegna; ta ti Dios isu ti ocom met laeng. (Selah)

Exodo 4:11

Ket ni Jehova kinunana kencuana, Asino ti nangaramid iti ngiwat ti tao? wenno asino ti mamagumel, wenno mamagtuleng, wenno mamagkita, wenno mamagbulsec ti tao? Saan aya nga siac a Jehova?

Dagiti Proverbio 2:6

Ta ni Jehova mangted iti sirib; agtaud iti ngiwatna ti pannacaammo ken pannacaawat:

Isaias 44:24

Castoy ti cuna ni Jehova, a Mannubbot kenca, ken nangbukel kenca nanipud iti aanacan: Siac ni Jehova a mangaramid cadagiti amin a banbanag; nga isacnapco a sisiac dagiti langlangit; ken mangpalawa iti daga (asinonto ti caduac?);

Isaias 45:24

Masasao a maipapan caniac, ken ni Jehova laeng ti puon ti kinalinteg ken kinapigsa; kencuana met laeng mapanto dagiti tattao; ken amin dagiti gumura kencuana maibabaindanto.

Jeremias 17:10

Siac, ni Jehova, sukisukec ti isip, suutec ti puso, tapno itedco met laeng iti tunggal tao ti cas mainugot cadagiti dalanna, ti cas maiyalubog iti bunga dagiti gapuananna.

San Mateo 26:39

Ket nagna pay bassit iti masangoanan, ket inrucnoyna ti rupana ket nagcararag a cuncunana: Ama, no mabalin lumabas coma caniac daytoy a copa; ngem saan a cas iti cayatco, no di cas iti cayatmo.

San Lucas 21:15

Ta siac iccancayto ti ngiwat ken sirib a di matngelan ken masalungasing dagiti isu-amin a cabusoryo.

San Juan 10:18

Awan ti mangiccat caniac no di ket iyawatco a sisiac. Adda pannacabalinco a mangyawat ti biagco ken adda pannacabalinco met a mangawat manen, Daytoy a bilin inawatco ken Amac.

San Juan 12:49

Ta saanac a nagsao a sisiac; no di ni Ama a nangibaon caniac, isu imbilinna caniac, no ania ti ibagac ken saoec.

San Juan 12:50

Ket ammoc a ti bilinna isu ti biag nga agnanayon: dagiti ngarud saoec, cas iti panangibaga caniac ni Ama, casta ti panagsaoc.

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 2:19

Simmungbat ni Jesus ket kinunana cadacuada: Rebbaenyo daytoy Templo, ket iti uneg ti tal-lo nga aldaw, bangonecto.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 5:21

Ta cas ti Ama pagungarenna dagiti natay ket iccanna ida ti biag, casta met ti Anac iccanna ti biag dagiti cayatna.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

San Juan 8:28

Kinuna ngarud ni Jesus: Inton maibayogyon ti Anac ti tao, isunto ti pannacaammoyo a siac daydi ken awan ti aramidec a sisiac; no di ket cas iti insuro caniac ni Ama, dagitoy ti saoec.

San Juan 9:4

Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.

Dagiti Aramid 2:24

Isu a pinagungar ti Dios, a nacalapsut cadagiti rigat ni patay; gapu ta saan a nabalinan a tenglen ni patay.

Taga-Roma 6:4

Naitanemtayo ngarud a naikanunong kencuana, gapu iti pannacabautizar iti patay: tapno cas iti panagungar ni Cristo cadagiti natay gapu iti dayag ti Ama, casta met a magnatayo coma iti baro a panagbiag.

Taga-Roma 8:11

Ngem no ti Espiritu daydi namagungar ken Jesus cadagiti natay, agnaed cadacayo, daydi namagungar ken Cristo cadagiti natay biagennanto met dagiti bagbagiyo a matay, babaen ti Espirituna nga agnaed cadacayo.

1 Taga-Corinto 15:12

Ngem no maicascasaba ni Cristo a napagungar cadagiti natay, casano ti panagcuna dagiti dadduma cadacayo nga awan ti panagungar dagiti natay?

2 Taga-Corinto 4:14

Nga ammomi a ti namagungar ken Apo Jesus, pagungarennacamto met gapu ken Jesus; ket iparangnacamto a maicuyog cadacayo.

2 Taga-Corinto 5:10

Ta masapul a datay amin maiparangarangtayto iti pangocoman ni Cristo; tapno tunggal maysa awatenna dagiti supapac ti inaramidna babaen ti bagina, naimbag man wenno dakes.

Taga-Efeso 2:5

Uray pay nataytayon idi gapu cadagiti basbasoltayo, pinagbiagnatayo a nairanud ken Cristo (gapu iti parabur naisalacancayo),

Taga-Efeso 3:16

Tapno ipaayna coma cadacayo, cas iti kinabacnang ti dayagna a mapapigsacayo iti pannacabalin, iti tao a makin-uneg; gapu iti Espirituna,

Taga-Filipos 3:21

Isu pabaroennanto daytoy nanomo a bagitayo, tapno mayasping iti nadayag a bagina, cas mayalubog iti pannacabalinna met a mangpatulnog a maipaay kencuana met laeng cadagiti isu-amin a banbanag.

Taga-Filipos 4:13

Mabalinac dagiti amin a banbanag gapu iti daydiay mamapigsa caniac.

Taga-Colosas 1:11

A mapapigsa iti amin a pannacabalin, cas mayannugot iti pannacabalin ti dayagna, a maipaay iti amin a kinaanus ken nabayag a panagitured, a siraragsac;

Taga-Colosas 1:16

Ta kencuana naparsua dagiti amin nga adda cadagiti langlangit ken daga, makita ken saan a makita, uray dagiti trono, wenno kinaturay wenno pagturayan, wenno dagiti pannacabalin; dagiti isu-amin naparsuada gapu kencuana ken mapaayda kencuana;

1 Taga-Tesalonica 4:14

Ta no patientayo a ni Jesus natay ket nagungar, casta met ti Dios iyegnanto dagiti maturog ken Jesus nga icuyog kencuana.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

Paltiing 2:23

Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.