San Juan 5:17 - Ti Biblia (1973)

¹⁷ Ngem ni Jesus simmungbat cadacuada: Ni Amac agingga ita agar-aramid, ket agararamidac met.

Ti Baro a Naimbag a Damag Biblia

¹⁷ Kinuna ni Jesus kadakuada, “Agtartrabaho ni Amak agingga ita, ket masapul met nga agtrabahoak.”

San Juan 5:17 Iomraidhean Croise

Dagiti Salmo 65:6

Daydiay iti bilegna patibkerenna dagiti banbantay, idinto ta nagbarikes iti pannacabalin;

Isaias 40:26

Itangadyo dagiti matayo idiay ngato, ket kitaenyo no asino ti namarsua cadagitoy, nga babaen iti panangbilang isu iruarna dagiti buybuyotda; isu inagananna ida amin; gapu iti kinadackel unay ti kinamaingelna, ken agsipud ta napigsa iti pannacabalin, awan ti agcurang uray no maysa.

San Mateo 10:29

Saan a malaco aya ti dua a billit tuleng iti maysa a centavo? Ket uray maysa cadacuada saan a matnag iti daga no saan nga ipalubos ni Amayo.

San Juan 10:36

Cunaenyo iti pinagsanto ti Ama, ken imbaonna ditoy lubong; agtabbaawca; agsipud ta kinunac: Siac ti Anac ti Dios?

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 5:16

Ket gapu itoy, dagidi Judio amamsada ni Jesus, agsipud ta aramidenna dagitoy a banag iti aldaw a panaginana.

San Juan 5:18

Gapu itoy ngarud dagidi Judio naagagawada a mangpatay kencuana; ta saan laeng a dina ngilinen ti aldaw a panaginana no di ket cunana pay a ti Dios isu ti Amana, nga impadana ti bagina iti Dios.

San Juan 9:4

Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.

Dagiti Aramid 14:17

Ngem saanna a binaybay-an nga awan macasacsi kencuana, a nagararamid ti imbag, ken iniccannacayo cadagiti tudtudo ti langit, ken nabunga a tiempo, a pinunnona dagiti puspusoyo ti taraon ken ragsac.

Dagiti Aramid 17:28

Ta kencuana, agbiagtayo, ken aggunaytayo, ket mataginayon ti kinataotayo; a cas kinuna met dagiti dadduma a managverversoyo: Ta caputotannatayo met.

1 Taga-Corinto 12:6

Ket adda agduduma a panagaramid, ngem isu met laeng a Dios, ti agaramid amin cadagiti isu-amin.

Taga-Colosas 1:16

Ta kencuana naparsua dagiti amin nga adda cadagiti langlangit ken daga, makita ken saan a makita, uray dagiti trono, wenno kinaturay wenno pagturayan, wenno dagiti pannacabalin; dagiti isu-amin naparsuada gapu kencuana ken mapaayda kencuana;

1 Taga-Tesalonica 2:13

Ket gapu met itoy agyamancami a di agressat iti Dios, ta idi inawatyo cadacami ti sao a paibaga ti Dios, inawatyo, saan a cas la sao dagiti tattao, no di ket cas pudno a sao ti Dios, nga agaramid met cadacayo a mamati.

Hebreo 1:3

Idinto nga isu ti raniag ti dayagna, ken ti napaypayso a ladawan ti kinadiosna, ket idinto a salimetmetanna dagiti isu-amin a banbanag iti sao ti pannacabalinna, idi naaramidnan ti pannacagugor dagiti basbasoltayo, nagtugaw iti macanawan ti Ari sadi ngato;