San Juan 5:10 - Ti Biblia (1973)

¹⁰ Kinuna ngarud dagiti Judio idi napaimbag: aldaw a panaginana ket di maipalubos kenca a bagcatem ti iddam.

Ti Baro a Naimbag a Damag Biblia

¹⁰ isut' gapuna a kinuna dagiti pangulo a Judio iti lalaki a napaimbag, “Maiparit nga awitem ti iddam iti Aldaw a Panaginana.”

San Juan 5:10 Iomraidhean Croise

Isaias 58:13

No ibawingmo ta sacam iti aldaw a panaginana, iti panagaramid iti ragsacmo iti aldawco a nasantoan; ket naganem ti aldaw a panaginana a maysa a rag-o, ken nasantoan ni Jehova a nadayag; ket isunto ti dayawem, dica aramiden dagiti daldalanmo met laeng, dica sapulen ti ragsacmo met laeng, dica saoen dagiti saom met laeng;

Jeremias 17:21

Castoy ti cuna ni Jehova, Agannadcayo cadagiti bagiyo met laeng, ket dicayo agawit iti awiten iti aldaw a panaginana, ket dicay met iserrec cadagiti ruangan ti Jerusalem;

Jeremias 17:27

Ngem no didac ipangag maipuon iti panagngilinyo ti aldaw a panaginana, ken iti saan a panagawit iti maysa nga awiten ken iseserrec cadagiti ruangan ti Jerusalem iti aldaw a panaginana; pasgedacto ngarud ti maysa nga apuy cadagiti ruanganna, ket alun-unennanto dagiti palacio ti Jerusalem, ket saanto a maiddep.

San Mateo 12:10

Ket adtoy idi ti maysa a tao nga adda imana a nagango. Ket inintuudda kencuana, a cuncunada: Maipalubos ti mangagas iti aldaw a panaginana? Tapno adda pangipulonganda kencuana.

San Marcos 2:24

Ket dagiti Fariseo kinunada kencuana: Kitaem! apayapay aramidenda ti saan a maipalubos iti aldaw a panaginana?

San Marcos 3:4

Ket kinunana cadacuada; Maiparbeng, ti panagaramid iti naimbag, wenno ti panagaramid iti dakes cadagiti aldaw a panaginana? ti panangisalacan iti biag wenno ti panangpapatay? Ngem dida naguni.

San Lucas 13:14

Ket idi simmungbat ti panguloen ti sinagoga, a sipupungtot agsipud ta nangagas ni Jesus iti aldaw a panaginana, kinunana cadagiti umili; Adda innem nga aldaw a rebbeng ti agtrabajo: cadagitoy ngarud umaycayo ket agpaagascayo, ket saan nga iti aldaw a panaginana.

San Lucas 23:56

Ket nagawidda ket nagsaganada ti bangbanglo ken sapsapo; ket naginanada iti aldaw a panaginana cas ti bilin.

San Lucas 6:2

Ngem dagiti dadduma a Fariseo kinunada: Apayapay aramidenyo ti saan a maipalubos nga aramiden iti aldaw a panaginana?

San Juan 1:19

Ket daytoy ti pangpanecnec ni Juan, idi nangibaon dagiti Judio cadagiti papadi ken Levita nanipud Jerusalem a mangintuud kencuana: Siasinoca?

San Juan 5:11

Ngem isu simmungbat cadacuada: Ti nangpaimbag caniac, kinunana caniac: Bagcatem ti iddam ket magnaca.

San Juan 5:15

Ti tao pimmanaw, ket impacaammona cadagidi Judio a ni Jesus ti nangpaimbag kencuana.

San Juan 5:16

Ket gapu itoy, dagidi Judio amamsada ni Jesus, agsipud ta aramidenna dagitoy a banag iti aldaw a panaginana.

San Juan 7:23

No ti tao awatenna ti pannacacugit iti aldaw a panaginana tapno ti linteg ni Moises saan a masalungasing, marurodcayo aya caniac agsipud ta pinaimbagco nga awan pagcuranganna ti maysa a tao iti aldaw a panaginana?

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.