San Juan 4:48 - Ti Biblia (1973)

⁴⁸ Kinuna ngarud ni Jesus kencuana: No dicay coma macakita cadagiti pagilasinan ken datdatlag, pulos coma a dicayto mamati.

Ti Baro a Naimbag a Damag Biblia

⁴⁸ Kinuna ni Jesus kenkuana, “No awan makitayo a milagro, saankayo a mamati.”

San Juan 4:48 Iomraidhean Croise

Daniel 4:2

Napanunotco a nasayaat nga iparang dagiti pagilasinan ken nacascasdaaw nga inaramid caniac ti Cangatoan a Dios.

Daniel 6:27

Isu mangispal ken mangalaw, ket agaramid cadagiti pagilasinan ken pagsidsiddaawan sadi langit ken ditoy daga, isu a nangispal ken Daniel iti pannacabalin dagiti leon.

Numero 14:11

Ket ni Jehova kinunana ken Moises, Casanonto ti cabayag ti panangumsina caniac daytoy nga ili? Casanonto ti cabayag ti dida pammati caniac, gapu cadagiti amin a pagilasinan nga inaramidco iti tengngada?

San Mateo 16:1

Ket dagiti Fariseo ken dagiti Saduseo, immayda susuuten ket dinawatda kencuana nga ipakitaanna coma ida ti maysa a pagilasinan iti langit.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

San Mateo 27:42

Insalacanna dagiti sabali, ti bagina saanna a mabalin nga isalacan. Isu ti Ari ti Israel, umulog ngarud ita iti cruz ket mamaticamto kencuana.

San Marcos 13:22

Ta tumacderdanto dagiti sinan Cristo, ken sinan mammadto, ket mangipakitadanto cadagiti pagilasinan ken datdatlag, tapno macapasurotda no mabalin coma, uray pay cadagiti napili.

San Lucas 10:18

Ket kinunana cadacuada: nakitac ni Satanas a natnag nanipud langit a cas la sal-it.

San Lucas 16:31

Ngem kinunana kencuana: No dida denggen ni Moises ken dagiti mammadto, didanto met mamati no adda maysa nga agungar cadagiti natay.

San Juan 12:37

Ngem uray inaramidna iti sangoananda dagiti nagadu a pagilasinan, saanda pay a namati kencuana:

San Juan 15:24

No diac coma nagaramid cadacuada cadagiti ar-aramid nga awan sabali a nacaaramid, awan coma ti basolda; ngem ita nakitada ket ginurada, saan laeng a siac, no di ket ni Amac pay.

San Juan 2:18

Dagiti Judio ngarud simmungbatda ket kinunada kencuana; Ania ti pagilasinan nga ipakitam cadacami, idinto nga aramiden dagitoy?

San Juan 20:29

Cuna kencuana ni Jesus: Gapu ta nakitanac, Tomas, namatica: nagasat dagiti saan a nacakita ket namatida.

San Juan 4:49

Ti tao ti ari kinunana kencuana: Apo, sumalogca cadi, ita ta di pay matay ti anacco.

Dagiti Aramid 14:3

Nagbayagda ngarud ti adu nga aldaw, a nagsasao a sitatalged iti Apo, a nangpanecnec iti sao ti paraburna, nga impalubosna a dagiti imimada inaramidda dagiti datdatlag ken pagsidsiddaawan.

Dagiti Aramid 15:12

Idin amin dagidi adu a tao nagulimecda ket dinengngegda ni Bernabe ken Pablo, a manarsarita idi cadagidi amin a datdatlag ken pagilasinan nga inaramid ti Dios cadagiti Gentil babaen ti pannacaaramatda.

Dagiti Aramid 2:19

Ket iparangconto dagiti nacascasdaaw a banag iti langit, ken pagilasinan ditoy daga, dara ken apuy, ken ulep ti asuc:

Dagiti Aramid 2:22

O lallaki nga Israelitas: denggenyo dagitoy a sao: Ni Jesus a taga Nazaret, lalaki a pinanecnecan ti Dios cadacayo cadagiti pannacabalin ken nacascasdaaw ken cadagiti pagilasinan nga inaramid ti Dios gapu kencuana iti nagtengngaanyo, a cas ammoyo met;

Dagiti Aramid 2:43

Ket napabuteng dagiti amin a tao: ket dagidi apostol nagararamidda ti adu a datdatlag ken pagilasinan.

Dagiti Aramid 4:30

Iti yuunnat ta imam dagiti panangagas, datdatlag ken nacascasdaaw maaramidda gapu iti nagan ni nasantoan nga Adipenmo a Jesus.

Dagiti Aramid 5:12

Ket adu dagiti pagilasinan ken nacascasdaaw a naaramid iti umili babaen cadagiti ima dagidi apostol; ket isuda amin naggigimongda a nagcaycaysa iti ruangan ni Salomon.

Dagiti Aramid 6:8

Ket ni Esteban, a napno iti parabur ken pannacabalin, nagaramid cadagiti nacascasdaaw ken dadackel a datdatlag cadagidi umili.

Dagiti Aramid 7:36

Daytoy a tao inruarna ida idinto a nagaramid cadagiti nacascasdaaw ken datdatlag idiay Egipto ken idiay taaw a Nalabaga, ken idiay let-ang iti uppat a pulo a tawen.

Taga-Roma 15:19

Iti pannacabalin dagiti pagilasinan ken datdatlag, ken gapu iti pannacabalin ti Espiritu Santo; nga iti casta, nanipud Jerusalem, ken isu-amin nga cabangibang agingga iti Ilirico, incasabac a naananay ti evangelio ni Cristo:

1 Taga-Corinto 1:22

Ta dagiti taga Judea dumawatda cadagiti pagilasinan ket dagiti taga Grecia agsapulda ti sirib:

2 Taga-Corinto 12:12

Pudno a dagiti pacakitaan ti kinaapostol naaramidda iti tengngayo, iti isu-amin nga anus, babaen cadagiti pagilasinan ken datdatlag ken pannacabalin.

2 Taga-Tesalonica 2:9

Daydiay nga ti iyaayna cas iti panangaramid ni Satanas, a mapacuyugan iti amin a pannacabalin, ken dagiti pagilasinan, ken dagiti ulbod a datdatlag.

Hebreo 2:4

Ket bimmuyog met cadacuada ti Dios a sinacsianna cadagiti pagilasinan ken nacascasdaaw ken nadumaduma a kita dagiti pannacabalin, ken sagsagut ti Espiritu Santo, cas iti pagayatanna.