San Juan 4:39 - Ti Biblia (1973)

³⁹ Ket adu cadagiti taga Samaria iti daydi a ili, namatida kencuana agsipud iti sao ti babai a nangpanecnec a cunana: Imbagana caniac dagiti amin nga inaramidco.

Ti Baro a Naimbag a Damag Biblia

³⁹ Adu a Samaritano iti dayta nga ili ti namati ken ni Jesus gapu ta kinuna ti babai: “Imbagana kaniak ti amin nga inar-aramidko.”

San Juan 4:39 Iomraidhean Croise

San Mateo 10:5

Dagitoy sangapulo ket dua imbaon ni Jesus idi nalpasna a binilbilin ida a cuncunana: Dicay mapan iti dalan dagiti Gentil ket dicay sumrec iti ili dagiti taga Samaria;

San Juan 1:37

Ket dagidi dua nga adalan a nacangngeg ti panagsaona simmurotda ken Jesus.

San Juan 11:45

Adu ngarud cadagidi Judio nga immay ken Maria, ken nacakita iti inaramid ni Jesus, namatida kencuana.

San Juan 4:29

Umaycayo; kitaenyo ti maysa a tao nga imbagana caniac ti amin nga inaramidco: Saan ngata nga isu ti Cristo?

San Juan 4:30

Rimmuarda iti ili ket immayda kencuana.

San Juan 4:38

Siac imbaoncayo nga agani iti dicay tinalon: sabali dagiti nagtalon, ket dacayo simreccayo cadagiti tinalonda.

San Juan 4:40

Gapuna nga idi immay dagiti taga Samaria kencuana, inuyutanda nga agbati cadacuada: ket nagbati sadiay iti dua nga aldaw.

San Juan 4:42

Ket kinunada iti babai: Ita mamaticami, saan a gapu iti saom; ta dacami met laeng nangngegmi, ket ammomi a pudno a daytoy ti Manangisalacan ti lubong.

San Juan 4:5

Iti casta napan iti maysa nga ili ti Samaria a managan Sicar, iti asideg ti daga nga inted ni Jacob ken Jose nga anacna:

San Juan 4:8

Ta dagiti adalanna napanda iti ili a gumatang ti pagtaraon.