San Juan 4:36 - Ti Biblia (1973)

³⁶ Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

Ti Baro a Naimbag a Damag Biblia

³⁶ Matangdanan ti agani ket urnongenna ti apit para iti biag nga agnanayon. Iti kasta, agpadpada nga agragsak ti agmula ken ti agani.

San Juan 4:36 Iomraidhean Croise

Dagiti Proverbio 11:18

Ti nadangkes magungunana dagiti macaallilaw a supapac; ngem ti agmula iti kinalinteg aglac-am ti napaypayso a gunguna.

Dagiti Proverbio 11:30

Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

Daniel 12:3

Ket dagiti mamasirib aglawagdanto a cas iti raniag ti tangatang; ket dagiti mangiragpat cadagiti adu iti kinalinteg casdanto cadagiti bitbitwen iti agnanayon nga awan ti inggana.

San Mateo 19:29

Ket ti tunggal maysa a nangpanaw cadagiti balbalay wenno cacabsat a lallaki wenno babbai wenno ama wenno ina, wenno asawa, wenno anac, wenno dagdaga, gapu iti naganco, umawatto ti naminsangagasut a castoy, ken tawidennanto ti biag nga agnanayon.

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

San Juan 5:24

Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

Taga-Roma 1:13

Ket diac cayat a dicayo maammoan, cacabsat, a naminadu a pinanggepco ti umay cadacayo (ket agpapan ita nalappedanac), tapno macagunodac met coma ti bunga cadacayo, a cas met cadagiti dadduma a Gentiles.

Taga-Roma 2:7

Cadagiti agtalinaed iti panagaramid ti naimbag a sapsapulenda ti gloria, ti dayaw ken ti saan nga ipapatay; ti biag nga agnanayon:

Taga-Roma 6:22

Ngem ita, ta naluc-atancayo iti basol ket nagbalincayo nga adipen ti Dios, adda bungayo a maipaay iti kinasanto ket ti panungpalanna, biag nga agnanayon.

Taga-Roma 6:23

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

1 Taga-Corinto 9:17

Ta no aramidec daytoy a gapu ta nakemco laeng adda gonggonac; ngem no mapilitac, ti saad a panagaywan naitalec caniac.

1 Taga-Corinto 9:18

Ania ngarud ti gonggonac? Nga no icascasabac ti evangelio, ipaayco ti evangelio nga awan baybayadna, tapno ti panangaramatco iti calintegac iti evangelio saan a dakes.

1 Taga-Tesalonica 2:19

Ta ania ti inanamami wenno rag-o, wenno balangat a pacaidayawanmi? saan aya a dacayo met laeng iti sangoanan ni Apotayo a Jesu-Cristo, iti iyaayna?

1 Timoteo 4:16

Saluadam ti bagim ken ti isursurom; agtalinaedca cadagitoy a banag; ta no aramiden daytoy, isalacanmonto ti bagim met laeng ken dagiti met dumngeg kenca.