San Juan 4:24 - Ti Biblia (1973)

²⁴ Ti Dios maysa nga Espiritu; ket dagiti agdaydayaw kencuana, masapul nga agdaydayawda iti espiritu ken kinapudno.

Ti Baro a Naimbag a Damag Biblia

²⁴ Ti Dios ket Espiritu. Ngarud, dagiti agdaydayaw kenkuana masapul nga agdaydayawda iti Espiritu ken kinapudno.”

San Juan 4:24 Iomraidhean Croise

Dagiti Salmo 145:18

Ni Jehova siaarpad cadagiti amin nga umawag kencuana, cadagiti amin nga umawag kencuana iti kinapudno.

Dagiti Salmo 50:23

Siasino man a mangisagut iti daton ti panagyaman padayawannac; ket daydiay manarimaan iti dalanna iparangconto kencuana ti panangisalacan ti Dios.

Dagiti Salmo 51:17

Dagiti sacrificio a maipaay iti Dios isu ti espiritu a nadudog; ti nadudog ken sibabawi a puso, O Dios, saanmonto a laisen.

Dagiti Salmo 66:18

No ipategco ti kinadakes itoy pusoc, ti Apo saanto a dumngeg:

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

San Juan 4:23

Ngem ti horas umay, ket adda itan, a dagiti pudno nga agdaydayaw agdaydayawdanto iti Ama iti espiritu ken iti kinapudno; ta ni Ama sapulenna dagiti cacasta nga agdaydayaw kencuana.

2 Taga-Corinto 1:12

Ta ti pagragsacanmi isu daytoy: Ti panagpanecnec ti concienciami, a binuyogan ti kinasanto ken ti kinapudno ti Dios, saan a ti sirib a linalasag, no di gapu iti parabur ti Dios, nagbiagcam ditoy lubong, a maipaay cadacayo a nangnangrona.

2 Taga-Corinto 3:17

Ket ti Apo isu ti Espiritu; ket no sadino ti yan ti Espiritu ti Apo, idiay adda wayawaya.

Taga-Filipos 3:3

Ta datayo ti pudno a pannacacugit, nga agdayaw babaen ti Espiritu ti Dios ket agrag-o ken Cristo Jesus, ket awan ti panagtalectayo iti lasag:

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

1 Samuel 16:7

Ngem ni Jehova kinunana ken Samuel, Dica kitaen ti langana, wenno iti cangato ti kinatayagna: agsipud ta isu saanco nga awaten; ta ni Jehova saan a cumita a cas iti ikikita ti tao; ta ti tao kitaenna iti akinruar a panagparang, ngem ni Jehova kitaenna ti puso.