San Juan 4:23 - Ti Biblia (1973)

²³ Ngem ti horas umay, ket adda itan, a dagiti pudno nga agdaydayaw agdaydayawdanto iti Ama iti espiritu ken iti kinapudno; ta ni Ama sapulenna dagiti cacasta nga agdaydayaw kencuana.

Ti Baro a Naimbag a Damag Biblia

²³ Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana.

San Juan 4:23 Iomraidhean Croise

1 Cronicas 29:17

Ammoc met, Diosco, a suutem ti puso, ket maay-ayoca iti nalinteg. No maipapan caniac, iti kinalinteg ti pusoc indatonco iti sibubulos a nakemco amin dagitoy a banbanag: ket ita sirarag-oac a nacakita cadagiti umilim, nga addada a sisasango ditoy, agidatonda iti sibubulos a nakemda kenca.

Dagiti Salmo 147:11

Ni Jehova maayayo cadagiti agbuteng kencuana, cadagiti mangnamnama iti kinamanagayatna.

Dagiti Salmo 17:1

Denggem coma ti calintegan, O Jehova, imdengannac itoy asugco; dumngegca coma itoy cararagco, a saan nga agtaud cadagiti bibig nga aginiisu.

Dagiti Salmo 32:2

Nagasat ti tao a di pangipatayan ni Jehova iti kinakillo, ken iti espirituna awan ti sicap.

Dagiti Salmo 51:6

Adtoy a tarigagayam ti kinapudno cadagiti caungan a paspaset; ket iti caunegan a paset ipacaammomto caniac ti kinasirib.

Dagiti Proverbio 15:8

Ti daton ti nadangkes macarimon ken ni Jehova; ngem ti cararag ti nalinteg isu ti macaay-ayo kencuana.

Kanta ni Solomon 2:14

O calapatic, nga adda cadagiti rengngat ti bato, idiay suppoc ti naderraas a disso, iparangmo caniac ta langam, ipangngegmo caniac ta timecmo; ta nasam-it ta timecmo, ket naimnas ta rupam.

Isaias 10:20

Ket maaramidto iti dayta nga aldaw, a ti matda iti Israel, ken dagiti macalisi iti balay ni Jacob, saandanto nga agsadagen iti daydiay nangcabil cadacuada, no di ket agsadagdanto ken ni Jehova, iti kinapudno ti Santo ti Israel.

Isaias 29:13

Ket ti Apo kinunana, Agsipud ta daytoy nga umili umasidegda caniac ket iti ngiwatda ken cadagiti bibigda dayawendac, ngem dagiti pusoda inyadayuda caniac, ken ti panagbutengda caniac isu timaysa a bilin dagiti tattao a naisuro cadacuada;

Isaias 43:21

Ti umili a binukelco a maipaay caniac met laeng, tapno iparangarangda coma ti pannacadayawco.

Isaias 58:2

Nupay casta isuda birukendac iti inaldaw, ken agrag-oda nga umammo cadagiti dalanco: cas maysa a nacion a nagaramid iti kinalinteg, ket dina indian ti impaannurot ti Diosda, agdawatda caniac iti nalinteg a panangocom; agrag-oda nga umadani iti Dios.

Jeremias 3:10

Ket nupay casta gapu amin daytoy ni nagulib a cabsatna a babai a Juda saan a nagsubli caniac iti amin a pusona, no di ket naginsusubli, cuna ni Jehova.

Jeremias 4:2

Ket isapatamto, Cas sibibiag ni Jehova, iti kinapudno, iti kinajusticia, ken iti kinalinteg; ken dagiti nasnacion mabendicionanda kencuana, ket kencuana agragrag-odanto.

Ezekiel 22:30

Ket nagsapulac iti maysa a tao iti nagtengngaanda, a mangibangon coma iti bacud, ken agtacder iti gutbaw iti sangoanac a mangisakit iti daga, tapno isu diac coma dadaelen; ngem awan ti nasaracac.

San Juan 1:17

Ta ti linteg naited gapu ken ni Moises; ti parabur ken ti kinapudno immayda gapu ken Jesu-Cristo.

San Juan 12:23

Ket ni Jesus sumungbat cadacuada, a cuncunana; Dumtengen ti horas a ti Anac ti tao maitanoc.

San Juan 16:2

Paruarendacayto cadagiti sinagoga: Ngem umay pay ti horas a siasinoman a mamapatayto cadacayo, panunutennanto a mangidaton ti pagservina iti Dios.

San Juan 16:32

Adtoy, umay ti horas, ket dimtengen a maiwarawaracayto ket tunggal maysa mapanto iti dissona, ket baybayandacto a maymaysa: ngem saanac nga agmaymaysa, ta ni Ama adda caniac.

San Juan 4:21

Cuna kencuana ni Jesus: Patiennac, babai, nga umay ti haras nga uray ditoy a bantay, uray idiay Jerusalem, dicayto agdaydayaw ken Ama.

San Juan 5:25

Pudno, pudno, cunac cadacayo. Umay ti horas, ket adda itan, a dagiti natay mangngegdanto ti timec ti Anac ti Dios; ket dagiti agdengngeg, agbiagdanto.

San Juan 5:28

Dicay pagsiddaawan daytoy, ta umay ti horas a dagiti amin nga adda cadagiti tanem mangngegdanto ti timecna,

Taga-Roma 1:9

Ta sacsic ti Dios a pagserviac iti espirituc iti evangelio ti Anacna, no casano ti di-agressat a pannacalagipco cadacayo a cancanayon cadagiti carcararagco.

Taga-Roma 8:15

Ta saanyo nga inawat ti pakinakem ti pannacaadipen manen tapno agbutengcayo; ngem inawatyo ti pakinakem ti pannacaibilang nga annac, gapuna umawagtayo: Abba, Ama.

Taga-Roma 8:26

Casta met a ti Espiritu tulungannatayo iti kinacapuytayo; ta ditay ammo no casano ti panagcararagtayo a cas maiparbeng: ngem ti Espiritu met laeng ibabaetnatayo, a buyugen dagiti ununnoy a dimayebcas;

Taga-Galacia 4:6

Ket agsipud ta dacay dagiti annac, imbaon ti Dios ti Espiritu ni Anacna cadagiti puspusoyo, nga impuccawna: Abba, Ama.

Taga-Efeso 6:18

Nga agdawdawatcayo a cancanayon babaen ti Espiritu cadagiti dawdawat ken carcararag ket agsalucagcayo ti maipaay itoy a mabuyugan ti amin a panagtalinaed ken panangidawdawat cadagiti isu-amin a sasanto,

Taga-Filipos 3:3

Ta datayo ti pudno a pannacacugit, nga agdayaw babaen ti Espiritu ti Dios ket agrag-o ken Cristo Jesus, ket awan ti panagtalectayo iti lasag:

Josue 24:14

Ita ngarud agbutengcayo ken Jehova, ket agservicayo kencuana iti kinadalus ken kinapudno; ket iccatenyo dagiti didios isuda a dagidi ammayo nagservianda iti ballasiw ti Carayan, ken sadi Egipto; ket agservicayo ken Jehova.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

1 Samuel 12:24

Isuna laeng nga agbutengcayo ken Jehova, ken agservicayo kencuana iti kinapudno agraman amin a pusoyo: ta panunotenyo no casano ti cadackel dagiti banbanag nga inaramidna gapu cadacayo.