San Juan 4:14 - Ti Biblia (1973)

¹⁴ Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Ti Baro a Naimbag a Damag Biblia

¹⁴ “ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 4:14 Iomraidhean Croise

Isaias 49:10

Saandanto a mabisinan ken mawaw; saanto met a cabilen ida ti pudot ken init: ta daydiay adda caasina cadacuada iturongna ida, iti met denna ti ubbog ti danum ti pangidalanannanto cadacuada.

Isaias 55:1

O, tunggal mawaw, umaycayo cadagiti dandanum, ken dayta nga awanan ti pirac; umaycayo, gumatangcayo, ken mangancayo; wen, umaycayo, ken gumatangcayo nga awan ti pirac ken awan ti baybayad iti arac ken gatas.

Isaias 58:11

Ket ni Jehova idalannacanto a cancanayon, ken pennekennanto ta cararuam idiay naticag a disso, ken papigsaennanto dagiti tultulangmo; ket mayarigcanto iti nadanum a minuyongan, ken cas iti ubbog ti danum, a dagiti dandanumna saanda nga agatian.

Jeremias 2:13

Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Jeremias 31:25

Ta pinenneccon ti nautoyan a cararua, ket ti tunggal naladingit a cararua pinunnoc manen.

Ezekiel 47:9

Ket maaramidto, a tunggal nabiag a parsua nga agpangen, iti amin a disso a danonan dagiti carcarayan, agbiagto; ket addanto umariwecwec a pangen ti ican; ta dagitoy a danum dumtengda idiay, ket dagiti danum ti baybay maimbaganto, ket amin a banag agbiagto, iti sadinoman a danonan ti carayan.

Levitico 11:36

Nupay ti maysa nga ubbog wenno bito a pagurnongan iti danum, nadalusto: ngem maisagid iti bagida a natay saanto a nadalus.

San Mateo 25:46

Ket dagitoy mapandanto iti dusa nga agnanayon; ngem dagiti nalinteg iti biag nga agnanayon.

San Mateo 5:6

Nagasat dagiti mabisin ken mawaw iti kinalinteg; ta mapnecdanto.

San Juan 10:10

Ti mannanacaw saan nga umay no di tapno agtacaw, ken agpatay, ken agdadael: siac immayac tapno maaddaanda ti biag ken tapno maaddaanda ti nawadwad unay.

San Juan 11:26

Ket siasinoman nga agbiag ken mamati caniac, saanto a matay a pulos. Patiem daytoy?

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 4:11

Ti babai cunana kencuana: Apo, awan ti pagsacdum ket ti bubon nauneg, adino ngarud ti pangpaaddaam ti danum a nabiag?

San Juan 4:13

Simmungbat ni Jesus ket kinunana kencuana: Isu-amin nga uminum itoy a danum, mawawto manen:

San Juan 4:36

Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

San Juan 6:35

Ni Jesus kinunana cadacuada; Siac ti tinapay ti biag: ti umay caniac, saanto nga agbisin; ket ti mamati caniac, uray caano saanto a mawaw.

San Juan 6:58

Daytoy ti tinapay a bimmaba nanipud langit: Saan a cas cadagidi ammayo a nanganda ti mana ket natayda; ti mangan itoy a tinapay, agbiagto nga agnanayon.

San Juan 7:37

Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.

Taga-Roma 5:21

Tapno, cas ti panagari ti basol ken patay, casta met coma nga agari ti parabur, gapu iti kinalinteg a maipaay iti biag nga agnanayon, gapu ken Jesu-Cristo nga Apotayo.

Taga-Roma 6:23

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

2 Taga-Corinto 1:22

Isu a nangted ti tanda cadacami ken cadagiti umuna a sagut ti Espiritu cadagiti puspusomi.

Taga-Efeso 4:30

Ket dicay pagleddaangen ti Espiritu Santo ti Dios, isu a pacamarcaanyo a naisagana iti aldaw ti pannacasubbot.

1 Pedro 1:22

Idinto a ginugoranna dagiti cararuayo iti kinatulnogyo iti pudno, a maipaay iti ayat a pudno dagiti cacabsat, agayan-ayatcayo iti nasged, a buyugen ti nadalus a puso:

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

Paltiing 7:16

Didanto agbisinen wenno mawawen; ket didanto met mainitanen wenno aniaman a pudot:

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.