San Juan 3:7 - Ti Biblia (1973)

⁷ Dica pagsiddaawan a kinunac kenca; Masapul cadacayo ti mayanac a mabaliwan.

Ti Baro a Naimbag a Damag Biblia

⁷ Dika masdaaw no kunak kenka, ‘Masapul a mayanakkayo manen.’

San Juan 3:7 Iomraidhean Croise

Ti Libro ni Job 15:14

Ania ti tao, tapno nadalus coma? Ken ti mayanac iti babai, tapno nalinteg coma?

San Juan 3:12

No imbagac cadacayo dagiti banag a naidagaan, ket dicay patien, casanonto la ket ti pammatiyon no ibagac cadacayo dagiti nailangitan?

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 3:6

Ti mayanac iti lasag, isu lasag; ket ti mayanac iti Espiritu, isu espiritu.

San Juan 3:8

Ti angin agpuyupuy iti pagayatanna, ket mangngegmo ti awerna; ngem dica ammo no adino ti paggapuanna ken adino ti papananna: casta ti amin a mayanac iti Espiritu.

San Juan 5:28

Dicay pagsiddaawan daytoy, ta umay ti horas a dagiti amin nga adda cadagiti tanem mangngegdanto ti timecna,

Taga-Colosas 1:12

A pagyamanan iti ama, a nangaramid cadatayo a maicari a makipagtawid cadagiti sasanto iti lawag;

Hebreo 12:14

Surutenyo ti talna cadagiti isu-amin, ken ti kinasanto, a no awan, awanto ti macakita iti Apo:

1 Pedro 1:22

Idinto a ginugoranna dagiti cararuayo iti kinatulnogyo iti pudno, a maipaay iti ayat a pudno dagiti cacabsat, agayan-ayatcayo iti nasged, a buyugen ti nadalus a puso:

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.