San Juan 3:5 - Ti Biblia (1973)

⁵ Simmungbat ni Jesus: Pudno, pudno, cunac kenca, no ti maysa saan a mayanac iti danum ken iti Espiritu, saanna a mabalin ti sumrec iti pagarian ti Dios.

Ti Baro a Naimbag a Damag Biblia

⁵ “Ibagak kenka ti pudno,” insungbat ni Jesus. “Awan ti makastrek iti Pagarian ti Dios malaksid no mayanak iti danum ken iti Espiritu.

San Juan 3:5 Iomraidhean Croise

San Mateo 18:3

Ket kinunana: Pudno cunac cadacayo, a no dicayto agsubli ken agbalin a cas la ububbing, dicayto sumrec iti pagarian ti langit.

San Mateo 19:24

Ket cunac manen cadacayo a nalaclaca a lumsot ti maysa a camello iti abut ti maysa a dagum, ngem ti maysa a bacnang a sumrec iti pagarian ti Dios.

San Mateo 21:31

Asino cadagiti dua ti nangaramid iti pagayatan ni amana? Cunada: Ti immuna. Ni Jesus cunana cadacuada: Pudno cunac cadacayo a dagiti agsingsingir ti buis ken dagiti balangcantis mapanda nga umununa ngem dacayo iti pagarian ti Dios,

San Mateo 28:19

Incayo ngarud, ket pagbalinenyo nga adadalan dagiti amin a nacion, a bautizaranyo ida iti nagan ni Ama, ken ti Anac, ken ti Espiritu Santo:

San Mateo 3:11

Siac kinapudnona, bautizarancayo iti danum a maipaay iti panagbabawi; ngem dayta umay sumaruno caniac adadda ti pannacabalinna ngem siac; dagiti zapatos daytoy saanac a maicari nga agiggem; isu bautizarannacayto iti Espiritu Santo ken apuy.

San Mateo 5:20

Ta siac cunac cadacayo a no ti kinalintegyo saanto a dacdackel ngem ti kinalinteg dagiti escriba ken Fariseo, ni caanoman dicayto sumrec iti pagarian ti langit.

San Marcos 10:14

Ket idi makita daytoy ni Jesus, nangricna unay, ket kinunana cadacuada: Bayanyo dagiti ububbing a babassit nga umayda caniac, ket dicay pawilan ida ta dagitoy isuda, dagiti agtagicua ti pagarian ti Dios.

San Marcos 16:16

Ket ti mamati ken ti mabautizaran, maisalacanto; ket ti saan a mamati, madusaanto.

San Marcos 9:47

Ket no ti matam ti macaited kenca ti pacaitibcolam, suatem; ta nasaysayaat kenca ti sumrec idiay pagarian ti Dios a maymaysa ti matam ngem iti addaanca ti dua a mata, ket maitappuacca idiay infierno:

San Lucas 13:24

Agawaanyo ti sumrec iti ruangan a nailet; ta cunac cadacayo nga adu dagiti agsapulto no casano ti iseserrecda ket didanto mabalin.

San Lucas 13:3

Saan, cunac cadacayo; ngem no dicayto agbabawi, mapucawcayto met amin iti casta.

San Lucas 13:5

Saan, cunac cadacayo; ngem no dicayto agbabawi; mapucawcayto amin iti casta.

San Juan 1:13

Nga saan nga agtaud iti dara wenno iti nakem ti lasag wenno iti nakem ti lalaki, no di ket nayanacda iti Dios.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 3:4

Cuna kencuana ni Nicodemo: Casano ti pannacabalin ti tao a mayanac idinto a lacayen? mabalinna aya ti sumrec manen iti aanacan ni inana, ken mayanac?

Dagiti Aramid 2:38

Ket ni Pedro kinunana cadacuada: Agbabawicayo, ken mabautizaran ti tunggal maysa cadacayo iti nagan ni Jesu-Cristo a maipaay iti pannacaiccat dagiti basbasolyo; ket awatenyonto ti parangcap ti Espiritu Santo.

Dagiti Aramid 3:19

Agbabawicayo ngarud, ket agsublicayo tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo;

Taga-Roma 14:17

Ta ti pagarian ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo.

Taga-Roma 8:2

Ta ti linteg ti Espiritu ti biag ken Cristo Jesus, linuc-atannac iti linteg ti basol ken ti patay.

1 Taga-Corinto 15:50

Cunac ngarud daytoy, cacabsat, a ti lasag ken dara saanda a mabalin a tawiden ti pagarian ti Dios, ket ti panagrupsa dina tawiden ti saan nga agrupsa.

1 Taga-Corinto 2:12

Ngem inawattayo, saan a ti espiritu ti lubong, no di ti Espiritu a cucua ti Dios; tapno maammoantayo dagiti banbanag a naparaburan nga inted ti Dios cadatayo.

1 Taga-Corinto 6:11

Ket cacastada idi dagiti dadduma cadacayo: ngem nadalusancayo, ngem napagsantocayo, ngem mapalintegcayo babaen iti nagan ni Apo Jesu-Cristo, ken iti Espiritu ti Diostayo.

Taga-Galacia 6:15

Ta ti pannacacugit awan capapay-anna ket uray met ti saan a pannacacugit, no diket ti baro a parsua ti adda capapay-anna.

Taga-Efeso 5:26

Tapno pagsantaenna, idinto nga inugasanna iti panangbuggo ti danum gapu iti sao.

1 Pedro 1:2

A napilida cas mayannurot iti sigud a pannacaammo iti Dios Ama, babaen ti pannacapagsantoda gapu iti Espiritu a maipaay iti panagtulnog ken pannacaiwarsi ti dara ni Jesu-Cristo: Parabur ken talna ti umadu coma cadacayo.

1 Pedro 3:21

Isu a napaypayso a caasping ti pammautizar, a mangisalacan ita cadatayo met a saanna nga iccaten cadatayo ti rugit ti lasag, no di cas la dawat ti maysa a nasayaat a nakem iti Dios, gapu iti panagungar ni Jesu-Cristo;

1 Juan 2:29

No ammoyo nga isu nalinteg, ammoenyo met nga isu-amin nga agaramid iti kinalinteg, naipasngayda kencuana.

1 Juan 5:1

Siasinoman a mamati a ni Jesus isu ti Cristo, nabukel iti Dios; ket siasinoman nga agayat iti nangbukel, ayatenna met ti nabukel kencuana.