San Juan 3:36 - Ti Biblia (1973)

³⁶ Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

Ti Baro a Naimbag a Damag Biblia

³⁶ Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 3:36 Iomraidhean Croise

Ti Libro ni Job 33:28

Isu sinubbotna ti cararuac iti iseserrec iti dariwangwang, ket ti biagco kitaennanto ti lawag.

Dagiti Salmo 2:12

Agepenyo ti anac, tapno di-agpungtot, ket mapucawcayo iti dalan, ta ti pungtotna nganngani a sumged. Nagasat amin dagidiay a cumamang kencuana.

Dagiti Salmo 36:9

Ta adda kenca ti ubbog ti biag: ita raniagmo makitaminto ti lawag.

Dagiti Salmo 49:19

Mapanto laeng iti caputotan dagiti dadackelna; didanto makita uray caano man ti lawag.

Habakuk 2:4

Adtoy, ti cararuana pimmalangguad, saan a nalinteg kencuana; ngem ti nalinteg agbiagto a gapu iti pammatina.

Numero 32:11

Pudno nga awan cadagiti tattao a naggapu sadi Egipto manipud agtawen iti duapulo ken agpangato, ti macakitanto iti daga nga insapatac ken Abraham, Isaac ken Jacob; gapu ta saanda a simmurot a naananay caniac:

San Mateo 25:46

Ket dagitoy mapandanto iti dusa nga agnanayon; ngem dagiti nalinteg iti biag nga agnanayon.

San Marcos 16:16

Ket ti mamati ken ti mabautizaran, maisalacanto; ket ti saan a mamati, madusaanto.

San Lucas 2:30

Ta dagitoy matac nakitadan ti Pacaisalacanan.

San Lucas 3:6

Ket ti amin a lasag makitananto ti panangisalacan ti Dios.

San Juan 1:12

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 10:28

Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 4:36

Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

San Juan 5:24

Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

San Juan 6:58

Daytoy ti tinapay a bimmaba nanipud langit: Saan a cas cadagidi ammayo a nanganda ti mana ket natayda; ti mangan itoy a tinapay, agbiagto nga agnanayon.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

Dagiti Aramid 14:2

Ngem dagidi Judio a di namati riniribucda ti nakem dagiti Gentil a bumusor cadagidi cacabsat.

Taga-Roma 4:15

Ta ti linteg pataudenna ti pungtot: ngem no awan ti linteg, awan met ti pannacasalungasing,

Taga-Roma 5:9

Nangnangrona pay ngarud, idinto a mapalintegtayon iti darana, maisalacantayto iti pungtot gapu kencuana.

Taga-Roma 8:1

Awan ngarud ita ti aniaman a pannacadusa a maipaay cadagiti adda ken Cristo Jesus,

Taga-Galacia 3:10

Ta dagup dagiti isu-amin a sumurot cadagiti ar-aramid ti linteg, addada babaen ti pannacailunod; ta adda a naisurat: Mailunod ti isu-amin a di agtalinaed iti amin nga adda a naisurat iti Libro ti Linteg, tapno aramidenna.

Taga-Efeso 5:6

Dicay coma paal-lilaw cadagiti sasao nga awan capapay-anna; ta gapu cadagitoy a banbanag umay ti pungtot ti Dios cadagiti annac ti kinasukir.

1 Taga-Tesalonica 1:10

Ken tapno urayenyo ti Anacna nga aggapu sadi langit isu a pinagungarna cadagiti natay, ni Jesus a mangisalacan cadatayo iti pungtot nga umayto.

1 Taga-Tesalonica 5:9

Ta ti Dios saannatayo a tinudingan a maipaay iti pungtot, no di ket tapno magun-odantayo ti pannacaisalacan, gapu ken Apotayo a Jesu-Cristo,

Hebreo 10:29

Anianto a naing-inget a dusa ti pagarupenyo a maicari iti daydiay nangipayat babaen cadagiti sacsacana iti Anac ti Dios, ket impatona a narugit ti dara ti tulag a nacasantificaranna, ket inumsina ti Espiritu ti parabur?

Hebreo 2:3

Casanonto ti panaglisitayo; no ditay icancano ti casta unay nagdackel a pacaisalacanan? isu, nga idinto nga impacaammo ti Apo idi damo pinanecnecan cadatayo dagiti nacangngeg kencuana:

Hebreo 3:18

Ket siasino dagidi nangisapataanna a didanto sumrec iti paginanaanna no saan a dagiti di nagtulnog?

Hebreo 3:19

Ket makitatayo a dida nabalin ti simrec gapu iti dida panamati.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.