San Juan 3:35 - Ti Biblia (1973)

³⁵ Ti Ama ayatenna ti Anac, ket amin dagiti banag impaimanan kencuana.

Ti Baro a Naimbag a Damag Biblia

³⁵ Ti Ama ayatenna ti Anakna ket impaimana kenkuana dagiti isuamin.

San Juan 3:35 Iomraidhean Croise

Genesis 41:44

Ket ni Faraon kinunana ken Jose, Siac ni Faraon, ket no awanca, awanto ti mangitagay iti imana wenno sacana iti amin ti daga nga Egipto.

Genesis 41:55

Ket idi amin ti daga ti Egipto nagbisin, dagiti tattao immawagda a dimmawat iti pagtaraon ken Faraon: ket ni Faraon kinunana cadagiti amin a taga Egipto, Dumanoncayo ken Jose; ti ibagana cadacayo, aramidenyo.

Dagiti Salmo 2:8

Agkiddawca caniac, ket siac itedconto kenca dagiti nasnacion a maipaay a tawidmo, ken dagiti caungtoan a paset ti daga a cucuam.

Dagiti Proverbio 8:30

Idin addaac iti sibayna a cas mamangolo nga agobra; ket siac ti pagrag-oanna, nga inaldaw siraragsacac a canayon iti sangona,

Isaias 42:1

Adtoy, ti adipenco, isu a salacnibac; ti pinilic, a pagayayatan toy cararuac: incabilco ti Espirituc kencuana; isu yegnanto ti kinalinteg cadagiti Gentiles.

Daniel 7:14

Ket isu naiccan iti panagturay, ken dayag, ken maysa a pagarian, nga amin dagiti il-ili, nasnacion, ken pagsasao agservida coma kencuana: ti panagturayna agnanayon a panagturay a dinto mapalabas, ket ti pagarianna dinto maduprac.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 17:5

Idi agsasao pay laeng, adtoy, ti maysa nga ulep a naraniag a lininunganna ida; ket adtoy ti maysa a timec iti ulep a kinunana: Daytoy isu ti Anacco a dungdungoec, isu a pacaayaywac: isu ti denggenyo.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Mateo 3:17

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 13:3

Idinto nga ammo ni Jesus a ti Ama intedna kencuana dagiti amin a banag cadagiti imimana ken naggapu iti Dios ket mapan iti Dios.

San Juan 15:9

Cas iti panagayat ni Ama caniac, casta met ti panagayatco cadacayo: agtaengcay iti ayatco.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:26

Ket impacaammoc cadacuada ti naganmo ket ipacaammocto; tapno ti ayat a panangayatmo caniac, adda coma cadacuada, ken siac cadacuada.

San Juan 5:20

Ta ti Ama ayatenna ti Anac, ket ipakitana kencuana dagiti amin nga aramidenna: ket ipakitananto kencuana dagiti dacdackel pay nga ar-aramid ngem dagitoy, tapno agsiddaawcayo.

San Juan 5:22

Ta ti Ama awan ti ocomenna, no di ket isu-amin a panangocom intedna iti Anac;

1 Taga-Corinto 15:27

Ta: Isu incabilna dagiti amin a banag iti babaen dagiti sacsacana. Ngem no cunana: Dagiti isu-amin a banag addada a paiturayan kencuana, nalawag a saan a mairaman daydiay mangicabil cadagiti isu-amin a banag iti babaen ti pannacabalinna.

Taga-Efeso 1:22

Ket incabilna dagiti amin a banbanag iti babaen dagiti sacsacana, ket isu insaadna nga ulo cadagiti isu-amin a banag iti Iglesia,

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;

1 Pedro 3:22

Isu, nga idinto nga immuli sadi langit adda iti macanawan ti Dios, a paiturayanda kencuana dagiti angel ken dagiti kinaturay ken dagiti pannacabalin.