San Juan 3:34 - Ti Biblia (1973)

³⁴ Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

Ti Baro a Naimbag a Damag Biblia

³⁴ Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

San Juan 3:34 Iomraidhean Croise

2 Ar-ari 2:9

Ket naaramid, idi a nacaballasiwda, ni Elias kinunana ken ni Eliseo, Dawatem no ania ti aramidecto a maipaay kenca, iti sacbay a maiccatac kenca. Ket ni Eliseo kinunana, Agdawatac kenca a ti mamindua a capaset ta espiritum maaddada coma caniac.

Dagiti Salmo 45:7

Inayatmo ti kinalinteg, ket ginuram ti kinadangkes: gapuna ti Dios, ti Diosmo, sinapsapoannaca iti lana ti kinaragsac a nangnangrona ngem dagiti caduam.

Isaias 59:21

Ket ti maipapan caniac, daytoy isu ti tulagco cadacuada, cuna ni Jehova: ti Espirituc nga adda kenca, ken dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.

Levitico 7:35

Daytoy ti pannacabagi ni Aaron a napolutan ken ti pannacabagi dagiti annacna a lallaki ta napolutanda, cadagiti datdaton a naaramid iti apuy ken Jehova iti aldaw a panangidatagna cadacuada tapno agannongda ken Jehova iti akem ti padi,

Numero 11:25

Ket ni Jehova bimmaba iti ulep, ket nakisao kencuana, ket nangala iti Espiritu nga adda idi kencuana, ket incabilna cadagiti pitopulo a lallacay, ket naaramid nga idi immapay cadacuada ti Espiritu nagpadtoda, ngem saanda nga inulitan nga aramiden.

San Mateo 12:18

Adtoy ti adipec isu a pinilic, Ti dungdungngoec, a pacaayaywan unay toy cararuac, Icabilconto kencuana ti Espirituc, Ket cadagiti Gentil ipacaammonanto ti kinalinteg.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

San Juan 1:16

Ta iti pannacapunnona immawattay amin, ket parabur a mainayon iti parabur.

San Juan 15:26

Ngem inton umay ti Manangliuliwa, nga ibaonconto cadacayo manipud ken Ama, ti Espiritu ti kinapudno, nga aggapu ken Ama, panecnecannanto ti maipapan caniac:

San Juan 16:7

Nupay casta ibagac cadacayo ti pudno: Maipaay cadacayo a mapanac: ta no diac mapan, ti Manangliuliwa dinto umay cadacayo; ngem no mapanac, ibaonconto cadacayo.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 5:26

Ta cas ti Ama adda kencuana met laeng ti biag, casta met impaayna nga ti Anac adda biag kencuana met laeng;

San Juan 7:16

Simmungbat ngarub cadacuada ni Jesus, ket kinunana: Ti isursuroc saanco a cucua, no di cucua ti nangibaon caniac.

San Juan 8:40

Ngem ita agawaandac a papatayen, toy tao a nagsao cadacayo iti pudno, a nangegco iti Dios; daytoy saan nga inaramid ni Abraham.

San Juan 8:47

Ti agtaud iti Dios, denggenna dagiti sao ti Dios: gapu iti daytoy, dacayo dicay agdengngeg ta saancayo a nagtaud iti Dios.

Dagiti Aramid 1:2

Agingga idi aldaw a pannacaipangatona idinto a nabilinnan babaen ti Espiritu Santo dagidi apostol a pinilina:

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Taga-Roma 8:2

Ta ti linteg ti Espiritu ti biag ken Cristo Jesus, linuc-atannac iti linteg ti basol ken ti patay.

Taga-Efeso 3:8

Caniac, a siac ti canomoan cadagiti isu-amin a sasanto, naited daytoy a parabur ti panangicascasabac cadagiti Gentil dagiti di matucod a kinabacnang ni Cristo;

Taga-Colosas 1:19

Ta macaay-ayo iti Ama a ti amin a pannacapunno agtaeng kencuana;

Taga-Colosas 2:9

Ta kencuana agtaeng ti naananay a Kinadios a sibubukel,

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.