San Juan 3:29 - Ti Biblia (1973)

²⁹ Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

Ti Baro a Naimbag a Damag Biblia

²⁹ Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

San Juan 3:29 Iomraidhean Croise

Kanta ni Solomon 3:11

Rumuarcayo, O annac a babbai ti Zion, ket kitaenyo ni ari Salomon, a sibabalangat iti imbalangat kencuana ni inana idi aldaw dagiti panangasawana, ken idi aldaw ti kinaragsac ti pusona.

Kanta ni Solomon 5:1

Immayac iti minuyongac, cabsatco a babai, a noviac: inurnongco ti mirrac agraman recadoc; kinnanco ti rarac agraman diroc; ininumco ti aracco agraman gatasco. Mangancayo, O gagayyemco; uminumcayo, wen, uminumcayo a nawadwad unay, O ayayatec.

Isaias 54:5

Ta ti Nangaramid kenca isu ti asawam a lalaki; Jehova dagiti buybuyot ti naganna: ket ti Santo ti Israel isu ti Mannubbotmo; ti Dios ti sangalubongan ti pangnagananto kencuana.

Isaias 66:11

Tapno susuoenyo coma ken mapneccayo cadagiti barucong ti panangliwliwana: tapno magatasyo coma, ken agrag-ocayo iti kinawadwad ti dayagna.

Jeremias 2:2

Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Ezekiel 16:8

Itay limmabasac iti arpadmo, ket minatmatanca, adtoy, ti pannawenmo pannawenen ti ayat; ket inyucradco ti cagayco iti rabawmo, ket inabbongac ti kinalamolamom: wen, insapatac kenca, ket nakitulagac kenca, cuna ni Apo Jehova, ket nagbalinca a cucuac.

Oseas 2:19

Ket yasawacanto caniac iti agnanayon; wen, makiasawaacto kenca iti kinalinteg, iti kinjusticia, ken iti kinamanagayat, ken cadagiti caasi.

San Mateo 22:2

Ti pagarian ti langit maipadis iti maysa nga ari, a rinambacanna ti boda ti anacna.

San Mateo 25:1

Ti pagarian ti langit maipadisto ngarud cadagiti sangapulo a babbalasang, nga innalada dagiti pagsilawanda, ket rimmuarda nga sumabet iti asawa a lalaki.

San Mateo 9:15

Ket ni Jesus kinunana cadacuada: Mabalin aya nga dagiti makiboda agpanesda no adda pay laeng cadacuada ti novio? Ngem umaydanto dagiti aldaw, a ti novio maiccatto cadacuada, ket iti casta agayunardanton.

San Lucas 15:6

Ket inton agsubli iti balay, urnongenna dagiti gagayyemna ken cacaarubana, a cuncunana cadacuada: Makipagrag-ocay caniac, ta nasaracac ti carneroc a nupucaw.

San Juan 15:11

Dagitoy sinaoc cadacayo, tapno ti rag-oc agtaeng coma cadacayo, ket ti rag-oyo agdanunan coma.

San Juan 16:24

Agingga ita awan pay ti dinawatyo iti naganco: dumawatcayo ket umawatcayo, tapno maananay ti ragsacyo.

San Juan 17:13

Ngem ita umayac kenca: ket saoec dagitoy ditoy lubong tapno adda cadacuada met laeng ti rag-oc a naananay.

San Juan 3:30

Isu masapul a dumackel, ngem siac masapul a bumassitac.

2 Taga-Corinto 11:2

Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.

Taga-Filipos 2:2

Anayenyo ti rag-oc, nga agmaymaysa coma ti panggepyo, adda agmaymaysa nga ayatyo, maymaysa a panagtitimpuyog, ken agmaymaysa a nakem;

1 Juan 1:4

Ket dagitoy a banbanag isuratmi cadacayo tapno maananay ti ragotayo.

2 Juan 1:12

Idinto nga adu a banbanag nga isuratco coma cadacayo, diac cayat nga aramaten ti papel ken tinta; ngem namnamaec ti umay cadacayo, ken agsaoac ti rupanrupa, tapno naananay coma ti rag-otayo.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.