San Juan 3:26 - Ti Biblia (1973)

²⁶ Ket immayda ken Juan ket kinunada kencuana: Mannursuro, daydi adda idi a naicuyog kenca idiay labes ti Jordan, isu a pinanecnecam, adtoy nga isu mamautizar ket amin a tattao umayda kencuana.

Ti Baro a Naimbag a Damag Biblia

²⁶ Napanda ngarud ken ni Juan ket kinunada kenkuana, “Maestro, malagipmo daydi immay kenka iti akindaya a ballasiw ti Jordan, daydi imbagam kadakami? Mamumbuniagen, ket mapmapan kenkuana dagiti amin a tattao!”

San Juan 3:26 Iomraidhean Croise

Dagiti Salmo 65:2

O sica a dumngeg iti cararag, kenca ti umayandanto dagiti amin a lasag.

Eclesiastes 4:4

Idin nakitac amin nga aramid ken tunggal napnoan-laing nga aramid, a gapu itoy ti tao inaguman ti caarrubana. Daytoy met isu ti kinaubbaw ken maysa a panagagawa iti angin.

Isaias 45:23

Caniac met laeng nagsapataac, rimmuar iti ngiwatco ti sao ti kinalinteg, ket saanto a maisubli, a tunggal tumeng agrucbabto caniac, ken tunggal dila agsapatanto.

San Mateo 23:7

Ken dagiti luglugay cadagiti plaza, ken managan Rabbi cadagiti tattao.

San Mateo 23:8

Ngem saancay coma a managan ti Rabbi; ta maymaysa laeng ti mannursuroyo, ket dacay amin agcacabsatcayo.

San Juan 1:15

Ni Juan panecnecanna ti maipapan kencuana, ket nagickis a cuncunana: Daytoy isu daydi kinunac: Dayta umay sumaruno caniac, una-annac, ta immununa idi ngem siac.

San Juan 1:7

Daytoy immay maipoon iti pangpanecnec, tapno panecnecanna ti maipapan iti silaw, tapno amin a tattao mamatida coma gapu kencuana.

San Juan 1:9

Adda idi ti silaw a pudno, a manglawag iti amin a tao nga umay ditoy lubong.

San Juan 11:48

No baybay-antayo laeng, mamatinto amin dagiti tao kencuana; ket umayto dagiti taga Roma, ket iccatendanto ti saadtayo ken ti ili pay.

San Juan 12:19

Dagiti Fariseo ngarud kinunada iti maysa ken maysa: Makitayo nga awan ti pangabacanyo? adtoy, ti sangalubongan napan simmurot kencuana.

San Juan 3:2

Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta awan ti macabalin a mangaramid cadagitoy a pagilasinan nga aramiden, no awan ti Dios kencuana.

San Juan 4:1

Idi ngarud maamad ni Jesus a dagiti Fariseo nangngegda nga isu agararamid ken mangbabautizar ti adadu nga adalan ngem ni Juan

San Juan 4:2

(uray ni Jesus saan a nangbabautizar, no di ket dagiti adalanna,)

San Juan 4:31

Idi dagiti adalan kiniddawda, a cuncunada: Mannursuro, manganca.

San Juan 5:33

Nangibaoncayo ken Juan, ket pinanecnecanna ti pudno.