San Juan 3:2 - Ti Biblia (1973)

² Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta awan ti macabalin a mangaramid cadagitoy a pagilasinan nga aramiden, no awan ti Dios kencuana.

Ti Baro a Naimbag a Damag Biblia

² Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 3:2 Iomraidhean Croise

1 Ar-ari 17:24

Ket ti babai kinunana ken Elias, Ita siac ammoc a sica ti maysa a lalaki ti Dios, ket ti sao ni Jehova ita ngiwatmo isu ti pudno.

Isaias 51:7

Dumngegcayo caniac, dacayo a macaammo ti kinalinteg, dagiti tattao a ti pusoda adda ti lintegco; dicayo agbuteng iti panangumsi dagiti tattao, ket dicayo met agcullayaw cadagiti panaguyawda.

Jeremias 38:16

Iti casta ni Sedekias nga ari nagsapata a sililimed ken Jeremias a kinunana, Cas sibibiag ni Jehova, isu a nangaramid cadagiti cararuatayo, saancanto a papatayen, ket dicanto met yawat iti ima dagitoy a lallaki nga agsapul iti biagmo.

San Mateo 22:16

Ket imbaonda kencuana dagiti adalanda agraman dagiti Herodianos a nagsao kencuana: Mannursuro, ammomi a sica napudnoca, ken isursurom a sipupudno ti dalan ti Dios; ket dica met agamac iti uray siasino, ta dica bigbigen ti casasaad dagiti tao.

San Mateo 23:7

Ken dagiti luglugay cadagiti plaza, ken managan Rabbi cadagiti tattao.

San Mateo 23:8

Ngem saancay coma a managan ti Rabbi; ta maymaysa laeng ti mannursuroyo, ket dacay amin agcacabsatcayo.

San Marcos 12:14

Ket idi dimtengda, cunada kencuana: Mannursuro, ammomi a napudnoca, ket dica icancano iti uray siasino; casta met a dica bigbigen ti casasaad a naruar dagiti tao, ngem mangisuroca a sipupudno iti dalan ti Dios: Maipalubos ti panangted ti buis ken Cesar, wenno saan?

San Juan 1:38

Ket timmaliaw ni Jesus ket nakitana ida a sumursurot, cunana cadacuada: Ania ti sapulenyo? ket kinunada kencuana: Rabi, (a no maipatarus, cayatna a saoen, Mannursuro), adino ti pagtaengam?

San Juan 10:38

Ngem no aramidec ida, uray no didac patien, patienyo dagiti aramid, tapno maammoyo ken maawatanyo a ti Ama adda caniac, ket siac addaac kencuana.

San Juan 12:37

Ngem uray inaramidna iti sangoananda dagiti nagadu a pagilasinan, saanda pay a namati kencuana:

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 15:24

No diac coma nagaramid cadacuada cadagiti ar-aramid nga awan sabali a nacaaramid, awan coma ti basolda; ngem ita nakitada ket ginurada, saan laeng a siac, no di ket ni Amac pay.

San Juan 2:11

Daytoy a pangrugian dagiti datdatlag a inaramid ni Jesus idiay Cana ti Galilea, ket impakitana ti dayagna; ket dagiti adalanna namatida kencuana.

San Juan 20:16

Cuna kencuana ni Jesus: Maria! Di babai simmango, ket cunana kencuana iti Hebreo: Rabboni! a cayatna a saoen, Mannursuro.

San Juan 3:26

Ket immayda ken Juan ket kinunada kencuana: Mannursuro, daydi adda idi a naicuyog kenca idiay labes ti Jordan, isu a pinanecnecam, adtoy nga isu mamautizar ket amin a tattao umayda kencuana.

San Juan 4:31

Idi dagiti adalan kiniddawda, a cuncunada: Mannursuro, manganca.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 6:2

Ket simmurot kencuana ti adu a tao, ta nakitada dagiti pagilasinan nga inaramidna cadagiti masacsakit.

San Juan 7:31

Ngem cadagiti adu unay a tao, adu cadacuada ti namati kencuana ket kinunada: Ni Cristo, inton umay, agaramidto ngata ti adadda a pagilasinan ngem cadagiti inaramid daytoy a tao?

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Dagiti Aramid 2:22

O lallaki nga Israelitas: denggenyo dagitoy a sao: Ni Jesus a taga Nazaret, lalaki a pinanecnecan ti Dios cadacayo cadagiti pannacabalin ken nacascasdaaw ken cadagiti pagilasinan nga inaramid ti Dios gapu kencuana iti nagtengngaanyo, a cas ammoyo met;

Taga-Filipos 1:14

Ket dagiti ad-adu cadagiti cacabsat, idi a napakiredda gapu cadagiti pannacarepreppetco, ad-addapay ti turedda nga agsao ti sao ti Dios, nga awan butbutengda.

Uk-ukom 6:27

Idi a casta ni Gedeon nangala iti sangapulo a lallaki cadagiti ad-adipenna, ket inaramidna, iti cas kinuna kencuana ni Jehova: ket naaramid, ta isu nagbuteng a gapu iti familia ni amana, ken cadagiti tattao ti ili, iti casta a dina nabalin nga aramiden iti aldaw, gapuna nga isu inaramidna iti rabii.