San Juan 3:17 - Ti Biblia (1973)

¹⁷ Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

Ti Baro a Naimbag a Damag Biblia

¹⁷ Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 3:17 Iomraidhean Croise

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Mateo 1:23

Adtoy ti maysa a virgen agsicugto ket aganacto iti maysa a lalaki, Ket panaganandanto iti Emmanuel; a no mayulog cayatna a saoen: Ti Dios adda cadatayo.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Mateo 18:11

Ta ti Anac ti tao immay tapno isalacanna ti napucawen.

San Lucas 19:10

Ta toy Anac ti tao immay nga agsapul ken mangisalacan iti napucaw.

San Lucas 9:56

(Ta ti Anac ti tao saan nga immay tapno agdadael cadagiti biag dagiti tao, no di ket tapno insalacanna ida). Ket napanda iti sabali a puroc.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 10:36

Cunaenyo iti pinagsanto ti Ama, ken imbaonna ditoy lubong; agtabbaawca; agsipud ta kinunac: Siac ti Anac ti Dios?

San Juan 11:42

Ket ammoc nga ipangagnac iti agnanayon; ngem gapu cadagitoy adu a tao nga agtatacder iti aglawlaw nagsaoac tapno patienda a sica imbaonnac.

San Juan 17:18

Cas imbaonnac ditoy lubong, imbaonco met ida itoy lubong.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 20:21

Ni Jesus ngarud kinunana manen cadacuada: Talna coma cadacayo: cas iti pinangibaon caniac ni Ama, casta met ti panangibaonco cadacayo.

San Juan 3:34

Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 5:38

Ket ti saona saan nga agtaeng cadacayo, ta ti imbaonna, dicayo patien.

San Juan 5:45

Dicay pagarupen nga siac ipulongcayto iti sangoanan ni Ama; adda maysa a mangipulong cadacayo, ni Moises, a panginanamaanyo.

San Juan 6:29

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

San Juan 6:40

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

San Juan 6:57

Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

San Juan 7:29

Siac ammoc, ta naggapuac kencuana, ket isu imbaonnac.

San Juan 8:11

Ket isu kinunana: Apo, awan. Ket ni Jesus kinunana: Uray siac saanca a dusaen: incan ket manipud ita dica agbasolen.

San Juan 8:42

Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

1 Juan 4:14

Ket dacami nakitami ket sacsianmi a ti Ama imbaonna ti Anac a Manangisalacan iti lubong.