San Juan 3:16 - Ti Biblia (1973)

¹⁶ Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

Ti Baro a Naimbag a Damag Biblia

¹⁶ Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:16 Iomraidhean Croise

Genesis 22:12

Ket isu kinunana, Saanmo nga idisso ta imam iti ubing, ket uray ania dica aramiden kencuana; ta ita mabigbigco a mabutengca iti Dios, yantangay dica impaidam caniac ti anacmo, ti bugbugtong nga anacmo.

Genesis 22:2

Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

San Mateo 9:13

Ngem incayo, ngarud, ket adalenyo no ania ti cayatna a saoen daytoy Asi ti calicagumac ket saan a daton; ta saanac nga immay nga agayab cadagiti nalinteg, no di ket cadagiti managbasol.

San Marcos 12:6

Idinto nga adda pay maymaysa nga anacna, a dungdungoenna; imbaonna daytoy cadacuada a naud-udi, a cunana: Padayawandanto ti annacco.

San Lucas 2:14

Dayaw iti Dios idiay cangatoan, Ken talna iti rabaw ti daga, naimbag a nakem cadagiti tattao,

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 1:18

Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 10:28

Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

San Juan 3:15

Tapno amin a mamati kencuana maaddaan ti biag nga agnanayon.

San Juan 3:18

Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

San Juan 6:40

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

Taga-Roma 5:10

Ta no idinto a cabusortayo, naicappiatayo iti Dios gapu iti ipapatay ti Anacna, nangnangrona pay ita, ta naicappiatayon, maisalacantayto maipuon iti biagna;

Taga-Roma 5:8

Ngem ti Dios ipatalgedna ti ayatna cadatayo, agsipud ta idinto a managbasoltayo pay laeng, ni Cristo natay gapu cadatayo.

Taga-Roma 8:32

Daydi saan a nangipaidam iti Anacna met laeng, no di ket inyawatna gapu cadatayo amin, dina aya iparaburto cadatayo dagiti amin a banbanag a mairaman kencuana?

Taga-Efeso 2:4

Ngem ti Dios, idinto a nabacnang iti caasi, gapu iti dackel nga ayatna a pinangayatna cadatayo,

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

Tito 3:4

Ngem idi nagparang ti parabur ti Dios a Manangisalacan cadatayo, ken ti ayatna cadagiti tattao.

Hebreo 2:9

Ngem makitatay ni Jesus, daydi naaramid a nanumnumo bassit ngem cadagiti angeles, nabalangatan ti dayag ken dayaw, gapu iti panagsagabana iti ipapatay, tapno gapu iti parabur ti Dios rinamananna ni patay a gapu cadagiti isu-amin.

1 Juan 3:1

Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

1 Juan 4:19

Datayo agayattayo, agsipud ta isu inayatnatayo nga immuna.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;