San Juan 21:3 - Ti Biblia (1973)

³ Cuna ni Simon Pedro cadacuada. Innac agdaclis. Cunada kencuana: Umaycami met sumurot kenca. Napanda ket limmuganda iti barangay, ket daydi a rabii awan ti naalada.

Ti Baro a Naimbag a Damag Biblia

³ Kinuna ni Simon Pedro kadagiti kaduana, “Innak agkalap.” “Umaykam met,” kinunada kenkuana. Napanda ngarud ket limmuganda iti bangka. Ngem pulos nga awan ti naalada iti nagpatnag.

San Juan 21:3 Iomraidhean Croise

San Lucas 5:5

Ket simmungbat ni Simon ket kinunana kencuana: Mannursuro, nagbannogcami a nagpatpatnag ket awan ti naalami; nupay casta gapu iti saom iwayatco.

San Juan 21:4

Ngem idi bumigaten, ni Jesus nagtacder iti iigid: ngem dagiti adalan saanda a nailasin nga ni Jesus.

Dagiti Aramid 18:3

Ket agsipud ta agcaoficioda, nagdagus cadacuada, ket nagtrabajoda; ta ti panggedanda agararamid cadagiti tolda.

Dagiti Aramid 20:34

Dacayo met laeng ammoyo a dagitoy imimac nagservida cadagiti nasapulco ken dagiti nasapul dagiti adda caniac.

1 Taga-Corinto 3:7

Iti casta, uray ti agmula, uray ti agsibug, awan aniaman no di laeng ti Dios a mangted ti idadackel.

1 Taga-Corinto 9:6

Wenno siac laeng aya ken ni Bernabe ti awan ti calinteganmi a di agtrabajo?

1 Taga-Tesalonica 2:9

Ta malagipyo, cacabsat, ti bannog ken rigatmi; nga nagtartrabajocami idi iti rabii ken aldaw, tapno dicami agbalin nga awit ti uray siasino cadacayo, incascasabami cadacayo ti evangelio ti Dios.