San Juan 21:25 - Ti Biblia (1973)

²⁵ Ket adda pay adu a sabsabali nga inaramid ni Jesus, a no maisuratda coma a masaggaysa, pagarupec nga uray daytoy lubong saanna a malaon dagiti libro a pacaisuratanda coma.

Ti Baro a Naimbag a Damag Biblia

²⁵ Wen, adu pay dagiti sabali nga inar-aramid ni Jesus. No maisuratda koma amin, pagarupek a di malaon ti lubong dagiti libro a pakaisuratanda.

San Juan 21:25 Iomraidhean Croise

Ti Libro ni Job 26:14

Adtoy, dagitoy isuda laeng dagiti paspaset a naruar dagiti daldalanna: ket, anian a nagbassit ti maysa a dayamudom a mangngegtayo kencuana! Ngem ti gurrood ti pannacabalinna asino ti macaawat?

Dagiti Salmo 40:5

Aduda, O Jehova a Diosco, dagiti nacascasdaaw nga ar-aramid nga inaramidmon, ken dagiti panpanunotmo nga agturong cadacami: saan a mabalin nga intarenen iti sangoanam; no palawagec ket saoec coma ida, adaduda ngem ti mabalin a bilangen.

Dagiti Salmo 71:15

Ti ngiwatco sarsaritaennanto ti kinalintegmo, ken ti panangisalacanmo iti amin nga aldaw; ta diac ammo dagiti bilangda.

Eclesiastes 12:12

Ket maysa pay, anacco, mabalacadanca: iti panagaramid cadagiti adu a liblibro awan ti gibusna; ket ti adu nga adal isu ti maysa a bantot ti lasag.

Amos 7:10

Idin ni Amasias a padi idiay Bet-el, pinayammona ken ni Jeroboam nga ari ti Israel, a kinunana, Ni Amos immalsa iti maibusor kenca iti tengnga ti balay ni Israel, ti daga saanna a maibturanen amin dagiti sasaona.

San Mateo 11:5

Dagiti bulsec macakitada ket dagiti pilay magnada: dagiti agcucutel madalusanda, ket dagiti tuleng macangngegda; dagiti natay mapagungarda, ket dagiti napanglaw macascasabaanda iti naimbag a damag.

San Mateo 19:24

Ket cunac manen cadacayo a nalaclaca a lumsot ti maysa a camello iti abut ti maysa a dagum, ngem ti maysa a bacnang a sumrec iti pagarian ti Dios.

San Marcos 5:16

Ket dagiti nacakita sinaritada cadacuada no ania ti napasamac idi nagun-gan dagiti sairo ken cadagidi babuy.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Dagiti Aramid 20:35

Iti isu-amin insuroc cadacayo, nga iti castoy a panagtrabajo, masapul a tulongan dagiti masacsakit, ket laglagipenyo dagiti sao ni Apo Jesus, nga isu met laengkinunana: Nagasgasat a banag ti mangted ngem ti umawat.

Hebreo 11:32

Ket ania pay ti sao-ecto? ta agkurangacto iti tiempo no sao-ec ti maipapan cada Gedeon, Barac, ni Samson, ni Jefte, ni met David, ken ni Samuel, ken dagiti mammadto: