San Juan 21:18 - Ti Biblia (1973)

¹⁸ Pudno, pudno, cunac kenca, idi ubingca agbarikesca ket magmagnaca idi iti cayatmo; ngem inton lacaycan, unnatemto dagiti imimam ket baricsannacanto ti sabali, ket ipannacanto iti dica cayat.

Ti Baro a Naimbag a Damag Biblia

¹⁸ Ibagak ti pudno kenka: Idi kabambanuagam, sika ti mangbarbarikes iti bagim ket mapanka iti sadinoman a kayatmo a papanan. Ngem inton lumakaykan, sabalinto ti mangbarikes kenka sanaka ipan iti dimo kayat a papanan.”

San Juan 21:18 Iomraidhean Croise

San Lucas 12:37

Nagasat dagidiay adipen nga inton umay ti apoda, masaracannanto ida nga agpuypuyat: pudno a cunac cadacayo, nga baricsannanto ket aramidennanto ida a sumango iti panganan, ket umayto ket agservinto cadacuada.

San Juan 13:36

Cuna kencuana ni Simon Pedro: Apo, adino ti papanam? Simmungbat ni Jesus: No adino ti papanac, saannac a mabalin a suruten ita; ngem surutennacto no calpasanna.

San Juan 21:17

Cunana kencuana iti maicatlo: Simon, anac ni Juan, ayatennac? Nagladingit ni Pedro gapu ta kinunana kencuana a namitlo: Ayatennac? ket kinunana kencuana: Apo, sica ammon dagiti isu-amin: sica ammom nga ayatenca. Cuna kencuana ni Jesus: Pacanem dagiti carneroc.

San Juan 21:19

Ket kinunana daytoy nga impaawatna no anianto nga ipapatay ti pangidaydayawnanto iti Dios. Ket idi naisaona daytoy, cunana kencuana: Surutennac.

Dagiti Aramid 21:11

Ket idi nga immay cadacami, innalana ti barikes ni Pablo ket idi a pinarautanna dagidi sacsaca ken imimana met laeng, kinunana: Ti Espiritu Santo cunana daytoy: Castoyto ti panangparaut dagiti Judio idiay Jerusalem iti lalaki a makinbarikes itoy ket isunto ti iyawatda cadagiti imima dagiti Gentil.

2 Taga-Corinto 5:4

Ta datayo nga adda itoy a calapaw, agsasaibbectayo a madagsenan, a ditay tarigagayan ti malabusan, no di ket macawesan, tapno daytoy matay maaladagan gapu iti biag.