San Juan 21:15 - Ti Biblia (1973)

¹⁵ Idi ngarud nacapamigatda, ni Jesus cunana ken Simon Pedro: Simon, anac ni Juan, adadda ti panagayatmo caniac ngem dagitoy? Cunana kencuana: Wen, Apo: sica ammom nga ayatenca. Cunana kencuana: Pacanem dagiti corderoc.

Ti Baro a Naimbag a Damag Biblia

¹⁵ Kalpasan ti panamigatda, kinuna ni Jesus ken ni Simon Pedro, “Simon nga anak ni Juan, ad-adda kadi ti panangdungngom kaniak ngem dagitoy?” “Wen, Apo,” insungbatna, “ammom nga ay-ayatenka.” Kinuna ni Jesus kenkuana, “Aywanam dagiti urbon a karnerok.”

San Juan 21:15 Iomraidhean Croise

Genesis 33:13

Ket kinunana ken Esau, Ni apoc ammona a dagiti ubbing naganusda, ket addada caniac dagiti ar-arban ken babassit a tagibianda: ket no ipagnada ida a nalabes iti maysa nga aldaw, mataydanto amin dagiti pangpangen.

2 Samuel 7:20

Ket ania pay ti mabalin a saoen ni David kenca? ta sica ammom ti adipenmo, O Apo Jehova.

2 Ar-ari 20:3

Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a puso a napalongdoan, ket inaramidco daydiay a naimbag ita imatangmo. Ket ni Ezekias nagsangit iti nasaem.

Isaias 40:11

Pagarabennanto ti arbanna a cas la maysa nga agpaspastor, urnongennanto dagiti cordero iti tackiagna, ken awitenna ida iti barucongna, ket idalannanto a nainayad dagiti adda urbonda.

Jeremias 23:4

Ket mangipasdecacto cadagiti paspastor cadacuada; isuda a mangtaraon cadacuada; ket saandanto nga agbutengen, wenno agcullayaw, ket awanto met ti agcurang, cuna ni Jehova.

Jeremias 3:15

Ket iccancayto cadagiti paspastor cas mainugot iti pusoc, isuda a mangtaraonto cadacayo iti pannacaammo ken pannacaawat.

Ezekiel 34:23

Ket bangonecto ti maysa a pastor cadacuada, ket pacanennanto ida, nga isu ni adipenco a David; pacanennanto ida, ket isunto ti pastorda.

Ezekiel 46:24

Idin kinunana caniac, Dagitoy dagiti balbalay a pagipaburecan, ditoy dagiti agannong iti balay ipaburecdanto ti daton ti umili.

San Mateo 10:37

Ti agayat iti ama wenno ina a nangnangrona ngem siac saan a maicari caniac; ket ti agayat iti anac a lalaki wenno babai a nangnangrona ngem siac saan a maicari caniac.

San Mateo 16:17

Ket simmungbat ni Jesus, ket kinunana kencuana: Nagasatca, Simon, anac ni Jonas; ta saan nga ti lasag wenno dara, ti nangipaltiing kenca no di ket ni Amac nga adda sadi langit.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Mateo 26:33

Ngem ni Pedro simmungbat, ket kinunana kencuana: No maitibcoldanto amin kenca, siac, uray caano diacto maitibcol.

San Mateo 26:35

Cuna kencuana ni Pedro: Uray pay no masapul a matayac a maicanunong kenca dicanto ilibac. Ket amin dagiti adalan casta met ti kinunada.

San Marcos 14:29

Cuna kencuana ni Pedro: Uray isuda amin maitibcoldanto; ngem siac saan.

San Lucas 12:32

Dicay agbuteng, bassit nga ipastoran, ta nagayatan ni Amayo nga ited cadacayo ti pagarian.

San Lucas 22:32

Ngem siac indawatanca tapno ti pammatim saan coma a mapucaw: ket sica inton macapagbabawican, pabilgem dagiti cacabsatmo.

San Juan 1:42

Isu inyegna ken Jesus. Ket ni Jesus, minatmatanna ket kinunana: Sica ni Simon, anac ni Jonas: sica managancanto ti Cefas, (a cayatna a saoen, Pedro),

San Juan 13:37

Cuna kencuana ni Pedro: Apo, apayapay saanca a mabalin a suruten ita? ti biagco itedconto gapu kenca.

San Juan 16:27

Ta ni met laeng Ama ayatennacayo, gapu ta dacayo inayatdac ket pinatiyo a naggapuac iti Dios.

San Juan 21:12

Cuna cadacuada ni Jesus: Umaycayo, mamigatcayo. Ket awan cadagiti adalan ti macaitured idi a mangintuud kencuana: Siasinoca? idinto nga ammoda nga isu ti Apo.

San Juan 21:7

Daydi adalan ngarud a dinungdungngo ni Jesus cunana ken Pedro: Isu ti Apo. Ni Simon Pedro, idi mangngegna nga isu ti Apo, imbarikesna ti pagan-anayna, (ta adda idi a lamolamo), ket timmapuac iti baybay.

San Juan 8:42

Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

Dagiti Aramid 20:28

Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.

Dagiti Aramid 20:29

Ta ammoc nga iti calpasan ti ipapanawco, sumrecto iti tengngayo dagiti narawet a lobo a didanto lisian ti ipastoran;

Taga-Roma 14:1

Awatenyo ti nacapuy iti pammati, ngem saan a casuppiat cadagiti panpanunot a pagduaduaan.

Taga-Roma 15:1

Datayo ngarud a napigsa rebbengtayo nga anusan dagiti kinacapuy dagiti nacapuy, ken ditayo ay-aywen ti bagitay met laeng.

1 Taga-Corinto 8:11

Ta gapu iti siribmo mabalin a madadael a nacapuy, ti cabsat a nacaigapuan ni Cristo a natay.

Taga-Galacia 5:6

Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.

Taga-Efeso 4:14

Tapno ditay agub-ubinganen, nga agal-la-al-latayo ditoy ken idiay, a pailawlaw iti amin nga angin ti sursuro, gapu cadagiti salsalamangca dagiti tattao, iti kinasicapda a di madmadlaw a pangal-lilaw ti kinaulbod;

Taga-Efeso 6:24

Ti parabur adda coma cadagiti isu-amin nga agayat a di-agressat ken Apotayo a Jesu-Cristo.

Hebreo 13:20

Ket ti Dios ti talna, a nangisubli manipud cadagiti natay iti dackel a pastor dagiti carnero, ni Apotayo a Jesus, gapu iti dara ti agnanayon a tulag,

Hebreo 4:13

Ket awan ti aniaman a parsua a saan a sipapanayag iti imatangna; no di ket, dagiti isu-amin a banag addada a lamolamo ken agdadata cadagiti mata daydiay a pagidatagantayo.

1 Pedro 1:8

Isu nga uray no dicay nakita, ayatenyo; ket uray no ita dicay makita, patienyo ket agrag-ocayo iti di mayebcas a rag-o ken napno iti dayag:

1 Pedro 2:2

A cas ubbing a caiyanac, tarigagayanyo ti awan lalaocna a gatas a naespirituan tapno dumackelcayo gapu kencuana a maipaay iti pannacaisalacan;

1 Pedro 2:25

Ta dacayo nayawawancayo idi a cas cadagiti carnero; ngem ita nagsublicayo iti Pastor ken Obispo dagiti carcararuayo.

1 Juan 4:19

Datayo agayattayo, agsipud ta isu inayatnatayo nga immuna.

1 Juan 5:1

Siasinoman a mamati a ni Jesus isu ti Cristo, nabukel iti Dios; ket siasinoman nga agayat iti nangbukel, ayatenna met ti nabukel kencuana.

Paltiing 2:23

Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.