San Juan 20:26 - Ti Biblia (1973)

²⁶ Ket idi nalabes ti walo nga aldaw, addada manen dagiti adalanna iti uneg ket adda met cadacuada ni Tomas: Immay ni Jesus; idi a sipupunit dagiti ruangan, ket nagtacder iti tengnga, ket kinunana: Talna coma cadacayo.

Ti Baro a Naimbag a Damag Biblia

²⁶ Kalpasan ti maysa a lawas, naguurnong manen dagiti adalan iti uneg ti balay. Adda idi ni Tomas. Nakabalunet dagiti ruangan, ngem immay ni Jesus ket nagtakder iti ayanda. “Adda koma talna kadakayo,” kinunana kadakuada,

San Juan 20:26 Iomraidhean Croise

Isaias 26:12

Jehova, ikeddengmonto ti talna a maipaay cadacami; ta inaramidmo met dagiti isu-amin nga aramidmi a maipaay cadacami.

Isaias 27:5

Wenno saan isu cumpet coma iti pigsac, tapno makicappia coma caniac; wen, isu makicappia coma caniac.

Isaias 54:10

Ta dagiti banbantay macapanawda ken dagiti turturod maalisda; ngem ti kinamanagayatco saanto a pumanaw kenca, ket di met maalis ti tulagco ti pannakicappia, cuna ni Jehova nga addaan asi kenca.

San Mateo 17:1

Ket idi nalabes ti innem nga aldaw, ni Jesus incuyogna da Pedro ken Santiago ken Juan a cabsatna, ket simmangatda iti maysa a bantay a natayag ken putputong;

San Marcos 16:14

Calpasan dagitoy nagparang cadagiti sangapulo ket maysa met laeng, idi addada a mangmangan ket binabalawna ida gapu iti awan a pammatida ken tangken ti pusoda, gapu iti dida pinati dagiti nacakita kencuana a nagungaren.

San Lucas 24:36

Ket idi madamada a sasaoen dagitoy a banag, ni Jesus nagtacder iti nagtengngaanda ket kinunana cadacuada: Talna cadacayo!

San Lucas 9:28

Ket iti agwalo nga aldaw iti calpasan dagitoy a sasao incuyogna ni Pedro ken ni Juan ken ni Santiago, ket ummuli iti bantay a nagcararag.

San Juan 11:16

Kinuna ngarud ni Tomas, a managan ti Didimo, cadagiti caadalanna: Intayo met tapno mataytayo a maicanunong kencuana.

San Juan 14:27

Ti talna ibatic cadacayo, ti talnac itdec cadacayo: saan a cas iti panangited ti lubong ti panangitedco cadacayo. Saan coma nga agpulcoc ti pusoyo ken di agbuteng.

San Juan 20:19

Ket idi malemen iti daydi nga aldaw, ti umuna nga aldaw ti lawas, ken idi adda a sipupunit dagiti ruangan, iti daydi nacatiptiponan dagiti adalan gapu iti butengda cadagiti Judio, immay ni Jesus ket nagtacder iti tengnga ket cunana cadacuada: Talna coma cadacayo.

San Juan 20:21

Ni Jesus ngarud kinunana manen cadacuada: Talna coma cadacayo: cas iti pinangibaon caniac ni Ama, casta met ti panangibaonco cadacayo.

San Juan 21:1

Idi nalabes dagitoy, nagparang manen ni Jesus cadagiti adalanna iti igid ti baybay ti Tiberias: ket castoy ti pinagparangna.

San Juan 21:14

Daytoyen ti maicatlo a panagparang ni Jesus cadagiti adalanna, idi nalpas a nagungar cadagiti natay.

Dagiti Aramid 1:3

Cadacuada nagparang met a sibibiag idi calpasan ti panagsagabana, gapu cadagiti adu a pamanecnec, ket nagparparang cadacuada bayat ti uppat a pulo nga aldaw ket kinasasaona ida cadagiti banag a maipapan iti pagarian ti Dios: