San Juan 20:2 - Ti Biblia (1973)

² Ngarud nagtartaray a napan ken Simon Pedro, ken iti daydi sabali nga adalan, a dinungdungngo idi ni Jesus, ket kinunana cadacuada: Iniccatda ti Apo idiay tanem, ket dicam ammo no adino ti nangicabilanda kencuana.

Ti Baro a Naimbag a Damag Biblia

² nagtaray a napan iti ayan ni Simon Pedro ken ti sabali nga adalan, daydi dinungdungngo ni Jesus. Kinunana kadakuada, “Inikkatda ti Apo iti tanem ket saanmi nga ammo ti nangikabilanda kenkuana.”

San Juan 20:2 Iomraidhean Croise

San Juan 13:23

Ket maysa cadagiti adalanna, daydi dinungdungngo ni Jesus, adda a nagsadag iti barucong ni Jesus.

San Juan 19:26

Ni Jesus ngarud idi nakitana ni inana ken ti adalan a dinungdungngona, nga adda idi dina, cunana ken inana: Babai, addayta ti anacmo!

San Juan 20:13

Ket cunada kencuana: Babai, apayapay agsangitca? Cunana cadacuada: Agsipud ta iniccatda ditoy ti Apoc, ket diac ammo no adino ti nangicabilanda kencuana.

San Juan 20:15

Cuna kencuana ni Jesus: Babai, apayapay agsangitca? asino ti sapulem? Isu, idi ipappapanna nga isu ti managaywan iti minuyungan, cunana kencuana: Apo, no sica ti nangiccat ditoy ibagam caniac no adino ti nangicabilam kencuana, ket ipanawconto ditoy.

San Juan 20:9

Agsipud ta dida pay naawatan idi ti Surat, a masapul nga isu agungarto cadagiti natay.

San Juan 21:20

Idi a timmaliw ni Pedro, makitana a sumursurot daydi adalan a dinungdungngo ni Jesus, daydi nagsadag met iti barucongna idi pinangrabii ken nagcuna iti Apo, asino ti mangyawatto kenca?

San Juan 21:24

Daytoy isu daydi adalan a mangpanecnec cadagitoy; ket insuratna dagitoy: ket ammomi a ti pangpanecnecna pudno.

San Juan 21:7

Daydi adalan ngarud a dinungdungngo ni Jesus cunana ken Pedro: Isu ti Apo. Ni Simon Pedro, idi mangngegna nga isu ti Apo, imbarikesna ti pagan-anayna, (ta adda idi a lamolamo), ket timmapuac iti baybay.