San Juan 20:15 - Ti Biblia (1973)

¹⁵ Cuna kencuana ni Jesus: Babai, apayapay agsangitca? asino ti sapulem? Isu, idi ipappapanna nga isu ti managaywan iti minuyungan, cunana kencuana: Apo, no sica ti nangiccat ditoy ibagam caniac no adino ti nangicabilam kencuana, ket ipanawconto ditoy.

Ti Baro a Naimbag a Damag Biblia

¹⁵ “Babai,” sinaludsod ni Jesus, “apay nga agsangsangitka? Siasino ti sapsapulem?” Impagarup ni Maria nga isu ti hardinero, ket kinunana kenkuana, “Apo, no sika ti nangipanaw kenkuana, ibagam man ti nangikabilam ta innak alaen.”

San Juan 20:15 Iomraidhean Croise

Kanta ni Solomon 3:2

Kinunac, Bumangonacto ita, ket sursurec ti ili; cadagiti lanlansangan ken cadagiti nawayang a daldalan sapulecto ni ayayaten ti cararuac: isu sinapulco, ngem isu diac nasarac.

Kanta ni Solomon 6:1

Sadino ti napanan ni ayayatem, O sica caimnasan unay cadagiti babbai? Sadino ti nagbawingan ni ayayatem, tapno cumuyogcami coma kenca a mangbiroc kencuana?

San Mateo 12:34

Dacayo caputotan dagiti carasaen. Casano ti pannacabalinyo nga agsao cadagiti banag a naimbag, idinto a dakescayo? Ta ti naruay iti puso isu ti saoen ti ngiwat.

San Mateo 28:5

Ket simmungbat di angel ket kinunana cadagiti babbai: Dicay agbuteng: ta ammoc a sapsapulenyo ni Jesus, daydi nailansa iti cruz.

San Marcos 16:6

Ngem isu cunana cadacuada: Saancay nga agkigtot! sapulenyo ni Jesus Nazareno, daydi nailansa iti cruz: nagungaren; awan ditoy; kitaenyo ti disso a nangicabilanda kencuana!

San Lucas 2:44

Ket agsipud ta impapanda nga adda idi a naicuyog, nagnada iti bayat ti maysa nga aldaw, ket sinapsapulda cadagiti cacabagian ken am-ammoda;

San Lucas 24:5

Ket gapu ta nagbutengda indumogda dagiti rupada iti daga, ket kinuna dagiti lallaki cadacuada: Apayapay sapulenyo cadagiti natay ti sibibiag?

San Juan 1:38

Ket timmaliaw ni Jesus ket nakitana ida a sumursurot, cunana cadacuada: Ania ti sapulenyo? ket kinunada kencuana: Rabi, (a no maipatarus, cayatna a saoen, Mannursuro), adino ti pagtaengam?

San Juan 18:4

Ni Jesus idinto nga ammoma amin dagiti mapasamacnanto, rimmuar ket cunana cadacuada: Asino ti sapulenyo?

San Juan 18:7

Inintuudna manen ngarud cadacuada: Siasino ti birukenyo? Ket kinunada: Ni Jesus a Nazareno.

San Juan 20:13

Ket cunada kencuana: Babai, apayapay agsangitca? Cunana cadacuada: Agsipud ta iniccatda ditoy ti Apoc, ket diac ammo no adino ti nangicabilanda kencuana.

1 Samuel 1:16

Dica coma ibilang ti adipenmo a maysa a babai a dakes, ta iti kinawadwad ti ladingitco ken ti unnoyco nagsaoac agingga ita.