San Juan 2:13 - Ti Biblia (1973)

¹³ Ket asidegen idi ti pascua dagiti Judio; ket simmang-at ni Jesus idiay Jerusalem.

Ti Baro a Naimbag a Damag Biblia

¹³ Asidegen ti Paskua dagiti Judio, ket napan ni Jesus idiay Jerusalem.

San Juan 2:13 Iomraidhean Croise

Nehemias 13:8

Ket pinaldaangnac iti napalalo: gapuna nga impalladawco nga inruar iti sagumbi ti amin nga arruaten ti sangcacabbalay ni Tobias.

San Mateo 21:12

Ket simrec ni Jesus iti Templo ti Dios, ket pinaruarna dagiti isu-amin nga aglaclaco ken aggatgatang idiay Templo; ket tinuangna dagiti lamisaan dagiti agsucsucat ti pirac, ken dagiti tugaw dagiti aglaclaco cadagiti calapati;

San Marcos 11:15

Dimtengda ngarud idiay Jerusalem: ket idi simrec ni Jesus iti Templo rinugianna a pinaruar dagiti agtagtagilaco ken aggatgatang idiay; ket tinuangna dagiti lamlamisaan dagiti managsucat ti pirac, ken dagiti tugaw dagiti aglaclaco cadagiti calapati;

San Lucas 19:45

Ket simrec iti Templo ket rinugiana a pinaruar dagiti naglaclaco,

San Lucas 2:41

Ket tinawen a mapan dagiti dadackelna sadi Jerusalem iti rambac ti pascua.

San Juan 11:55

Ket ti pascua dagiti Judio asidegen idi: ket adu ti napan sadi Jerusalem a naggapuda cadagiti awaway idi masangoanan ti pascua, tapno aggugorda.

San Juan 13:1

Ket casangoanan ti rambac ti pascua, idi nga ammo ni Jesus a ti horasna dimtengen tapno manipud itoy lubong umalis ken Ama, idinto nga inayatna dagiti taona nga addada ditoy lubong idi, inayatna ida agingga iti panungpalan.

San Juan 2:23

Ket bayat ti caaddana idiay Jerusalem iti rambac ti pascua adu dagiti namati iti naganna, idi kitkitaenda dagiti pagilasinan nga araramidenna.

San Juan 5:1

Idi nalpas dagitoy, adda maysa a rambac dagiti Judio ket ni Jesus simmangat idiay Jerusalem.

San Juan 6:4

Ket asideg idi ti pascua a fiesta dagiti Judio.

Deuteronomio 16:16

Dagiti amin a lallakim mamitlo iti macatawen nga agparangdanto ken Jehova a Diosmo iti disso a ni Jehova piliennanto: iti fiesta ti di-nalevaduraan a tinapay, ken iti fiesta dagiti lawlawasna, ken iti fiesta iti fiesta dagiti tabernaculo, ket didanto agparparang nga ima-ima iti sango ni Jehova: