San Juan 2:12 - Ti Biblia (1973)

¹² Calpasan daytoy, simmalog idiay Capernaum, isu ken ni inana ken dagiti cacabsatna ken adalanna ket naggianda idiay iti saan nga adu nga aldaw.

Ti Baro a Naimbag a Damag Biblia

¹² Kalpasan daytoy, napan ni Jesus idiay Capernaum. Kaduana ni inana, dagiti kakabsatna a lallaki ken dagiti adalanna ket nagyanda sadiay iti sumagmamano nga aldaw.

San Juan 2:12 Iomraidhean Croise

San Mateo 11:23

Ket sica, Capernaum maitantanoccanto aya agingga sadi langit? Maipababacanto agingga iti Hades; ta no cadagiti taga Sodoma naaramid coma dagiti datdatlag a naaramid kenca, nataginayon coma agingga ita nga aldaw.

San Mateo 12:46

Ket isu idi madama pay laeng nga agsasao cadagiti adu a tao, adtoy, ni inana ken dagiti cacabsatna addada a sitatacder iti ruar, a tarigagayanda ti pannakisao kencuana.

San Mateo 4:13

Ket pinanawanna ti Nazaret, dimteng ken nagnaed idiay Capernaum, nga adda iti igid ti baybay, cadagiti nagbeddengan ti Zabulon ken ti Neftaili,

San Marcos 6:3

Saan aya nga daytoy ti al-lawagi, nga anac ni Maria, cabsat ni Santiago, ken ni Jose, ken ni Judas ken ni Simon? ket awan aya cadatay ditoy dagiti cacabsatna a babbai? Ket malucsawda idi kencuana.

San Juan 2:2

Ket naawis met ni Jesus ken dagiti adalanna idi pagbodaan.

San Juan 4:46

Immay ngarud manen ni Jesus idiay Cana ti Galilea, isu a namagbalinanna ti danum nga arac. Ket adda ti maysa a tao ti ari, a ti anacna adda idi a masakit idiay Capernaum.

San Juan 6:17

Ket limmuganda iti maysa a barangay, bumalbal-lasiwda iti baybay nga agturong idiay Capernaum. Ket nasipnget idin, ket ni Jesus saan pay nga immay cadacuada.

1 Taga-Corinto 9:5

Awan aya ti calinteganmi a mangicuyog iti dinnami iti maysa a babai nga asawa a namati, a cas cadagiti dadduma nga apostol, ken dagiti cacabsat ti Apo, ken ni Cefas?

Taga-Galacia 1:19

Ngem saanac a nacakita iti uray siasino a sabali cadagidi apostol, no di laeng ni Santiago, daydi cabsat ti Apo.