San Juan 19:40 - Ti Biblia (1973)

⁴⁰ Innalada ngarud ti bagi ni Jesus, ket binangbangloanda ket binungonda cadagiti luplupot a cas ugali a panangitabon dagiti Judio.

Ti Baro a Naimbag a Damag Biblia

⁴⁰ Innalada ti bangkay ni Jesus ket binungonda iti linen agraman ti bangbanglo, kas ugali dagiti Judio no itanemda dagiti minatayda.

San Juan 19:40 Iomraidhean Croise

Genesis 50:2

Ket ni Jose imbilinna cadagiti ad-adipenna a mangngagas nga embalsamarenda ni amana nga balcutenda; ket dagiti mangngagas binalcutda ni Israel nga iniccanda ti balsamo.

2 Cronicas 16:14

Ket isu intabonda cadagiti cucuana a tanem a kinalina a maipaay kencuana met laeng iti ili ni David, ket impaiddada iti iddana a napno cadagiti bangbanglo ken nadumaduma a kita dagiti recrecado a naisagana iti pannacaaramat ti kinalaing dagiti agar-aramid ti bangbanglo: ket inaramidda ti dackel unay a pannacapuur a maipaay kencuana.

San Mateo 26:12

Ta iti panangiparucpocna itoy nga unguento iti bagic, inaramidna tapno isagananac iti pannacaitanem.

San Marcos 14:8

Inaramidna ti nabalinanna: inyunana a sinapsapoan ti bagic a maisagana iti tanem.

San Lucas 24:12

Ngem timmacder ni Pedro ket timmaray a napan idi tanem: ket idi a nagdumog, nakitana dagiti lupot a nailasin: ket nagawid a sisisiddaaw itoy a naaramid.

San Juan 11:44

Daydi natay rimmuar a sipapatapat dagiti imima ken sacsacana cadagiti bedbed, ket ti rupana adda a nabungon iti maysa nga luput. Cuna ni Jesus cadacuada: Warwaranyo ket baybayanyo a mapan.

San Juan 12:7

Ni Jesus ngarud kinunana: Baybay-am, tapno idulinna daytoy a maipaay iti aldaw ti pannacaitabonco.

Dagiti Aramid 5:6

Ket timmacder dagiti agtutubo ket isu binungonda, ket inruarda ket intanemda.