San Juan 19:39 - Ti Biblia (1973)

³⁹ Ket ni Nicodemo, daydi napan idi damo ken Jesus iti rabii, immay met a nangicuyog ti maysa a napaglaoc nga agsangagasut a libra ti mirra ken aloes.

Ti Baro a Naimbag a Damag Biblia

³⁹ Kimmuyog ken ni Jose ti maysa nga agnagan Nicodemo, daydi napan ken ni Jesus iti maysa a rabii. Nangitugot iti agarup 30 a kilo ti bangbanglo a naaramid iti mirra ken aloe.

San Juan 19:39 Iomraidhean Croise

Genesis 50:2

Ket ni Jose imbilinna cadagiti ad-adipenna a mangngagas nga embalsamarenda ni amana nga balcutenda; ket dagiti mangngagas binalcutda ni Israel nga iniccanda ti balsamo.

2 Cronicas 16:14

Ket isu intabonda cadagiti cucuana a tanem a kinalina a maipaay kencuana met laeng iti ili ni David, ket impaiddada iti iddana a napno cadagiti bangbanglo ken nadumaduma a kita dagiti recrecado a naisagana iti pannacaaramat ti kinalaing dagiti agar-aramid ti bangbanglo: ket inaramidda ti dackel unay a pannacapuur a maipaay kencuana.

Dagiti Salmo 45:8

Amin dagiti cawesmo agammirra, ken agassandalo, ken agacacasia; manipud cadagiti palacio a marfil dagiti kinuerdasan a pagtocaran pinagragsacdaca.

Dagiti Proverbio 7:17

Binangbangloac ti iddac iti mirra, aloe, ken canela.

Kanta ni Solomon 1:13

Ni ayayatec isu caniac ti cas maysa a reppet ti mirra, nga agidda iti tengnga ti barucongco.

Kanta ni Solomon 4:14

Nardo ken azafran, calamus ken canela, agraman amin a caycayo ti incienso; mirra ken aloes, agraman cadagiti amin a cangronaan a recrecado.

Kanta ni Solomon 4:6

Agingga iti lumamiis ti aldaw, ket mapucawen dagiti aniniwan, innacto idiay bantay ti mirra, ken idiay turod ti incienso.

San Mateo 12:20

Ti runo a naparpar dinanto tuccolen, Ket ti micha nga umas-asuc dinanto iddepen. Agingga ti mapagbal-ligina ti kinalinteg,

San Mateo 19:30

Ngem adu dagiti umun-una a maudidanto; ken maududi nga umunadanto.

San Mateo 2:11

Ket idi simrecda iti balay, nasaracanda ti ubing ken ni Maria nga inana; ket nagrucbabda, nagdaydayawda kencuana; ket linucatanda dagiti gupgupitda, indatonda kencuana dagiti sagsagutda a balitoc ken incienso ken mirra.

San Marcos 16:1

Ket idi nalabes ti aldaw a panaginana, ni Maria Magdalena, ken ni Maria nga ina ni Santiago, ken ni Salome gimmatangda cadagiti bangbanglo, tapno macapanda mangsapsapo kencuana.

San Juan 12:3

Ni Maria ngarud nangala ti maysa a libra ti bangbanglo a napulpulos a nardo, a napateg unay ket sinapsapoanna dagiti sacsaca ni Jesus, ket pinunasanna ida cadagidi boocna: ket ti balay napno ti ayamuum daydi bangbanglo.

San Juan 12:7

Ni Jesus ngarud kinunana: Baybay-am, tapno idulinna daytoy a maipaay iti aldaw ti pannacaitabonco.