San Juan 19:34 - Ti Biblia (1973)

³⁴ Nupay casta maysa cadagiti soldado dinuyocna ti bacrangna iti maysa a pica ket dagus a rimmuar ti dara ken danum.

Ti Baro a Naimbag a Damag Biblia

³⁴ Nupay kasta, induyok ti maysa kadagiti soldado ti pikana iti bakrang ni Jesus, ket dagus a pimsuak ti dara ken danum. (

San Juan 19:34 Iomraidhean Croise

Dagiti Salmo 51:7

Dalusannac babaen iti hisopo, ket dumalusacto, buggoannac, ket napudpudawacto ngem nieve.

Ezekiel 36:25

Ket iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.

Zacarias 12:10

Ket mangibuyatacto iti balay ni David, ken cadagiti agnaed iti Jerusalem, iti espiritu ti parabur ken ti cararag: ket cumitadanto caniac a dinuyucda; ket agdung-awdanto a gapu kencuana, a cas iti agdung-aw a gapu iti bugbugtong nga anacna a lalaki, ket addanto kinapait a gapu kencuana, a cas iti addaan iti kinaladingit a gapu iti inauna nga anacna.

Zacarias 13:1

Iti daydiay nga aldaw addanto maysa nga ubbog a silulucat nga agpaay iti balay ni David ken cadagiti agnaed iti Jerusalem, maipaay iti basol ken maipaay iti kinarugit.

San Mateo 27:62

Iti sumuno nga aldaw, nga isu ti aldaw a calpasan ti Panangisagana, dagiti turayen dagiti papadi ken dagiti Fariseo, napanda a nagcucuyog ken Pilato;

San Juan 19:33

Ngem idi dimtengda ken Jesus, agsipud ta nakitada a natayen, saanda a tinuccol dagiti sacsacana:

San Juan 20:20

Ket idi nasaona daytoy, impakitana cadacuada dagiti imimana ken ti bacrangna. Ket dagiti adalan nagrag-oda idi makitada ti Apo.

Dagiti Aramid 22:16

Ket ita, apayapay agtactacca? Tumacderca, ket pabautizaranca, ket ugasam dagiti basbasolmo, nga awagam ti naganna.

1 Taga-Corinto 1:30

Ngem maipoon kencuana addacay ken Cristo Jesus, isu a gapu iti biang ti Dios, naaramid cadacayo a kinasirib ken kinalinteg ken kinasanto ken subbot:

1 Taga-Corinto 6:11

Ket cacastada idi dagiti dadduma cadacayo: ngem nadalusancayo, ngem napagsantocayo, ngem mapalintegcayo babaen iti nagan ni Apo Jesu-Cristo, ken iti Espiritu ti Diostayo.

Taga-Efeso 5:26

Tapno pagsantaenna, idinto nga inugasanna iti panangbuggo ti danum gapu iti sao.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 9:13

Ta no ti dara dagiti toro a calding ken dagiti toro a vaca ken ti dapo ti bumalasang a vaca, a naiwarsi cadagiti narugitan mamagsantoda a maipaay iti pannacagugor ti lasag:

Hebreo 9:22

Ket cas mayalubog iti linteg, nganngani isu-amin a banag magugoranda iti dara; ket no awan ti dara a maiparucpoc, awan ti pannacasubbot.

1 Pedro 3:21

Isu a napaypayso a caasping ti pammautizar, a mangisalacan ita cadatayo met a saanna nga iccaten cadatayo ti rugit ti lasag, no di cas la dawat ti maysa a nasayaat a nakem iti Dios, gapu iti panagungar ni Jesu-Cristo;

1 Juan 5:6

Daytoy daydi immay gapu iti danum ken dara, nga isu ni Jesu-Cristo: saan nga iti danum laeng, no di ket iti danum ken dara.

1 Juan 5:8

Ket tal-lo dagiti mangsacsi, ti Espiritu ken ti danum ken ti dara, ket dagitoy tal-lo agdadangayda iti maymaysa a panangsacsi.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 7:14

Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket binuggoanda dagiti pagananayda, ket pinapudawda ida iti dara ti Cordero.