San Juan 19:18 - Ti Biblia (1973)

¹⁸ Ket idiay ti nangilansaanda kencuana iti cruz ket naigiddan kencuana ti dua a sabsabali, maysa iti tunggal sikigan, ket ni Jesus iti tengnga.

Ti Baro a Naimbag a Damag Biblia

¹⁸ Sadiay ti nangilansaanda kenkuana iti krus. Inlansada met ti dua a lallaki kadagiti krusda ket nagtengngaanda ni Jesus.

San Juan 19:18 Iomraidhean Croise

Dagiti Salmo 22:16

Ta dagiti as-aso linacubdac: sangabuyotan a managdacdakes linacubdac; sinalputda dagiti im-imac ken sacsacac.

Isaias 53:12

Gapuna nga isu ibingayacto iti sangcaapag cadagiti natan-oc, ket isu bingayennanto ti samsam cadagiti napigsa; gapu ta imbucbocna ti cararuana ken patay, ket naibilang cadagiti managlabsing: nupay casta inawitna ti basol dagiti adu, ken nagaramid iti panangibabaet cadagiti managlabsing.

San Mateo 27:44

Dagiti tulisan nga addada a nailansa a naigiddan kencuana, casta met nakipagababida kencuana.

San Juan 18:32

Tapno matungpal coma ti sao ni Jesus nga insaona idi impacdaarna no ania nga ipapatay ti ipapataynanto.

San Juan 19:32

Immay ngarud dagiti soldado ket tinuccolda dagiti sacsaca ti immuna, ken ti sabali a nailansa iti cruz a naigiddan kencuana.

Dagiti Aramid 2:23

Daytoy, nayawat a mayalubog iti natudingan a panggep ken sigud a pannacaammo ti Dios, pinapatayyo ken inlansayo iti cruz gapu cadagiti ima dagiti nadamsac a tattao;

Taga-Galacia 3:13

Ngem ni Cristo sinubbotnatayo iti pannacailunod ti linteg, idi naaramid a lunod gapu cadatayo; ta adda a naisurat: Mailunod ti isu-amin a maibitin iti cayo;

Hebreo 12:2

A kitkitaentayo ni Jesus, a pangulo ken mangtungpal ti pammati, isu a gapu iti rag-o a naicabil iti sangoananna, inibturanna ti cruz, nga inwacsina ti bain, ket nagtugaw iti macanawan ti trono ti Dios.