San Juan 19:17 - Ti Biblia (1973)

¹⁷ Innalada ngarud ni Jesus. Ket rimmuar a sibabaclay ti cruzna agingga iti disso a managan ti Bangabanga, ket iti Hebreo Golgota;

Ti Baro a Naimbag a Damag Biblia

¹⁷ Rimmuar a sibabaklay iti krusna ket dimteng iti disso a managan “Lugar a yan ti Bangabanga.” (Iti Hebreo: “Golgota.”)

San Juan 19:17 Iomraidhean Croise

Genesis 22:6

Ket ni Abraham innalana ti cayo a pagsungrod iti daton a mapuuran, ket impaawitna iti anacna nga Isaac; ket iniggamanna ti apuy, ken ti buneng; ket napanda a dua nagcuyog.

1 Ar-ari 21:13

Ket dagiti dua a lallaki, a nacas-ang a lallaki, simrecda ket nagtugawda iti sangona: ket dagiti nacas-ang a lallaki nagsacsida iti maicaniwas kencuana, a maicaniwas met laeng ken Nabot, iti sango dagiti tattao, a kinunada, Ni Nabot inlunodna ti Dios ken ti ari. Iti casta isu inruarda iti ili ket isu inuborda a pinatay cadagiti batbato.

Levitico 24:14

Ipanyo iti ruar ti pacarso dayta nagtabbaaw idi; ket dagiti nacangngeg kencuana ipatayda coma dagiti imimada iti olona, ket amin ti gimong batoenda coma.

San Mateo 10:38

Ket ti di mangibaclay ti cruzna ken sumurot caniac, saan a maicari caniac.

San Mateo 16:24

Idin kinuna ni Jesus cadagidi adalanna; no sinoman a tao ti mayat nga umay sumurot caniac paglicudanna ti bagina ket alaenna ti cruzna, ket surutennac.

San Mateo 27:37

Ket incabilda iti ngatoen ti ulona ti nacaidarumanna a naisurat: DAYTOY ISU NI JESUS NGA ARI DAGITI JUDIO.

San Marcos 10:21

Ket ni Jesus, idi nga minatmatanna, inayatna; ket kinunana kencuana: Maysa a banag ti agcurang kenca: inca, ilacom dagup ti adda kenca, ket itedmo cadagiti napanglaw; ket addanto kinabacnangmo idiay langit; ket umayca, surutennac.

San Marcos 15:26

Ket ti kita ti nacaidarumana, naisurat iti ngatona: TI ARI DAGITI JUDIO.

San Marcos 15:32

Ni Cristo, ti Ari ti Israel, umulog coma ita iti cruz, tapno makitami ket mamaticami. Casta met dagiti adda a nailansa a naigiddan nakipaglalaisda met kencuana.

San Marcos 8:34

Ket inayabanna dagiti adu a tao agraman dagidi adalanna, ket kinunana cadacuada: No sinoman a tao ti mayat a sumurot caniac paglicudanna coma ti bagina ket alaenna ti cruzna ket surutennac.

San Lucas 14:27

Uray siasino nga umay sumurot caniac ken dina baclayen ti cruzna saan a macapagbalin nga adalac.

San Lucas 23:26

Ket idi impanda ti tiniliwda ti maysa a managan Simon, a taga Cirene a naggapu iti away ket impabaclayda kencuana ti cruz, tapno isurotna ken Jesus.

San Lucas 23:33

Ket idi macagtengda iti disso a managan ti Bangabanga, isu inlansada idiay iti cruz ken dagiti tulisan; maysa iti macanawan, ket ti sabali iti macatigid.

San Lucas 23:38

Ket adda met iti oloanna ti maysa a galad a naisurat: DAYTOY ISU TI ARI DAGITI JUDIO.

San Lucas 9:23

Ket cuncunana cadacuada amin: No asinoman a tao ti mayat nga sumurot caniac, paglicudanna ti bagina, ket alaenna ti cruzna iti inaldaw ket surutennac.

San Juan 19:13

Ni Pilato ngarud idi nangngegna dagitoy a sao, impanna iti ruar ni Jesus, ket nagtugaw idiay pangocoman iti disso a Nabaldosaan ti marmol, ket iti Hebreo, Gabbatha.

San Juan 5:2

Ket adda idiay Jerusalem iti abay ti ruangan dagiti carnero ti maysa a tanke, a managan Betesda iti sao ti Hebreo, isu nga adda lima nga arcona a sercan,

Dagiti Aramid 7:58

Ket isu pinaruarda iti ciudad ket inuborda; ket dagiti sacsi incabilda dagiti pagananayda cadagiti sacsaca ti maysa a baro, a nanagan Saulo.