San Juan 19:11 - Ti Biblia (1973)

¹¹ Simmungbat kencuana ni Jesus: Awan coma ti aniaman a pannacabalinmo caniac, no di coma naited kenca nanipud ngato: gapuna ti nangyawat caniac kenca dacdackel ti basolna.

Ti Baro a Naimbag a Damag Biblia

¹¹ “Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

San Juan 19:11 Iomraidhean Croise

1 Cronicas 29:11

Cucuam, O Jehova, ti kinadackel, ken ti pannacabalin, ken ti gloria, ken ti balligi, ken ti kinadayag: ta amin nga adda cadagiti langlangit, ken iti daga cucuam; cucuam ti pagarian, O Jehova, ket maitan-occa a cas olo iti rabaw ti isu-amin.

Dagiti Salmo 39:9

Nagumelac, diac nginanga ti ngiwatco; ta sica inaramidmo.

Dagiti Salmo 62:11

Ti Dios nagsaon iti naminsan, namindua a nangngegco daytoy, a ti pannacabalin biang ti Dios.

Dungdung-aw 3:37

Asino aya dayta nga agcuna, ket matungpal, idinto a saan nga ibilin ti Apo?

Daniel 4:17

Ti pangngeddeng nagtaud iti panagbilin dagiti agay-aywan, ket ti dawat nagtaud iti sao dagiti sasanto, tapno maawatan dagiti sibibiag a ti Cangatoan agturay iti pagarian dagiti tattao, ket isu itedna iti siasinoman a cayatna, ket pagturayenna kencuana dagiti canonomoan a tattao.

Daniel 4:25

A mapagtalawcanto iti arpad dagiti tattao ket iti taeng dagiti an-animal ti away isunto ti pagtaengam, ket maipaarabcanto cadagiti root a cas a cadagiti vaca, ket itinto linnaaw ti langit ti mangsel-lep kenca; ket aglasatto kenca dagiti pito a pannawen; inggana iti maawatam a ti Cangatoan, agturay ti pagarian dagiti tattao, ket isu itedna iti siasinoman a cayatna.

Daniel 4:32

Ket mapagtalawcanto iti arpad dagiti tattao; ket agtaengcanto iti yan dagiti animal ti tay-ac; ket maipaarabcanto a cas cadagiti vacvaca, ket dagiti pito a pannawen aglasatdanto kenca; agingga iti mabigbigmonto a ti Cangatoan agturay iti pagarian dagiti tattao, ket isu itedna iti siasinoman a cayatna.

Daniel 4:35

Ket amin dagiti agnaed iti lubong maibilangda a cas awan; ken aramidenna cas pagayatanna iti buyot ti langit ken cadagiti agnaed iti daga; ket awan ti manglapped iti imana, wenno agcuna kencuana, Ania ti aramidem?

Daniel 5:21

Ket isu napagtalaw iti arpad dagiti annac dagiti tattao, ket ti pusona napagbalin a cas ti puso dagiti animal, ket nagtaeng iti yan dagiti naatap nga asno; isu nataraonan iti root a cas cadagiti vacvaca, ket ti bagina naslep iti linnaaw ti langit; agingga iti nabigbigna a ti Cangatoan a Dios agturay iti pagarian dagiti tattao, ket pagturayenna ti asinoman a cayatna.

San Mateo 26:65

Idin daydi cangatoan a padi pinigisna dagiti pagananayna a cuncunana: Nagtabbaaw: Ania ti pacasapulantayo cadagiti sacsi? Adtoy, ita nangngegyo ti tabbaaw.

San Mateo 27:2

Ket isu pinarautanda, ket impanda ket inyawatda ken Poncio Pilato, a gobernador.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

San Marcos 14:44

Ket daydi mangliput kencuana, iniccanna ida ti maysa a pagilasinan, a cunana: No asino ti agepacto; isu dayta; isu tiliwenyo, ket ipanyo nga aywananyo a naimbag.

San Lucas 22:53

Idi nakipaggianac cadacayo nga inaldaw idiay Templo saanyo nga inunnat dagiti imimayo a pangtiliw caniac; ngem daytoy ti horasyo, ken ti pannacabalin dagiti sipnget.

San Juan 18:13

Ket impanda nga immuna ken Anas ta catugangan a lalaki ni Caifas, cangatoan a padi idi a taoen.

San Juan 18:3

Ni Judas ngarud, idi a naawatna ti compania ti solsoldado ken dagiti oficial iti biang dagiti cangatoan a papadi ken dagiti Fariseo, napan idiay a nangicuyog ti farfarol ken silsilaw, ken ig-igam.

San Juan 19:10

Cuna kencuana ni Pilato: Saannac a casao? dica ammo nga adda pannacabalinco a mangibbet kenca; ken pannacabalinco a mangilansa kenca iti cruz?

San Juan 3:27

Simmungbat ni Juan ket kinunana: Ti maysa a tao saanna a mabalin ti umawat ti uray ania no saan a naited kencuana nanipud langit.

San Juan 7:30

Isu inagawaanda ngarud a tiliwen; ngem awan ti nangipatay kencuana ti imana, ta saan pay a dimteng ti horasna.

San Juan 9:41

Kinuna ni Jesus cadacuada: No bulseccay coma, awan coma ti basolyo: ngem ita cunayo: Macakitacami; iti casta ti basolyo mataginayon.

Dagiti Aramid 2:23

Daytoy, nayawat a mayalubog iti natudingan a panggep ken sigud a pannacaammo ti Dios, pinapatayyo ken inlansayo iti cruz gapu cadagiti ima dagiti nadamsac a tattao;

Dagiti Aramid 3:13

Ti Dios da Abraham, ken Isaac, ken Jacob, ti Dios dagidi ammatayo iniccanna ti dayag ni Adipenna a Jesus, isu nga inyawatyo ken tinallicudanyo iti sangoanan ni Pilato, idi pinanggepna nga ibbatan.

Dagiti Aramid 4:28

Tapno aramidenda ti aniaman nga impacpacauna nga inugedan dayta imam ken ti nakemmo a maaramid,

Taga-Roma 11:36

Ta dagiti amin a banbanag agtaudda kencuana, gapu kencuana ken maipaayda kencuana. Madaydayaw coma iti agnanayon. Amen.

Taga-Roma 13:1

Paiturayan coma ti amin a tao cadagiti turturay a nangatngato; ta awan ti turay a saan nga agtaud iti Dios, ket dagiti pagturayan, binangon ida ti Dios.

Santiago 1:17

Isu-amin a sagut a nasayaat ken isu-amin a sagut a naananay aggapuda iti ngato, bumaba nga aggapu iti Ama dagiti lawag, a kencuana awan ti aniaman a panagbalbaliw, wenno aniniwan ti panagbaliw ti turongen.

Santiago 4:17

Ti macaammo ngarud nga agaramid iti nasayaat, ket dina aramiden, basol kencuana.