San Juan 18:11 - Ti Biblia (1973)

¹¹ Ni Jesus kinunana ngarud ken Pedro: Isublim ta campilanmo iti bainana: ti copa nga inted ni Ama caniac, diac aya rebbeng nga inuman?

Ti Baro a Naimbag a Damag Biblia

¹¹ Kinuna ni Jesus ken ni Pedro, “Ibalaymo ta bunengmo. Ipagarupmo kadi a diak inumen ti kopa ti panagsagaba nga inted kaniak ni Amak?”

San Juan 18:11 Iomraidhean Croise

2 Samuel 16:10

Ket ti ari simmungbat, Ania ti nacaibiangac cadacayo, dacayo annac ni Sarvia? Agsipud ta isu agilunod, ket agsipud ta ni Jehova kinunana kencuana, Ilunod mo ni David; asino ngarud ti agcunanto kencuana, Apayapay nga inaramidmo ti casta?

Dagiti Salmo 75:8

Ta iti ima ni Jehova adda maysa a tagayan, ket ti arac rumasoc; napno iti ninawnaw ken sana met la ibuyat: agpayso a dagiti ared-edna arebebento amin dagiti nadangkes iti daga, ket inumendanto.

Ezekiel 23:31

Nagnaca iti dalan ni cabsatmo a babai; gapuna yawatconto ti copana iti imam.

San Mateo 20:22

Ngem ni Jesus simmungbat, ket kinunana: Dicay ammo ti dawdawatenyo. Mabalinyo aya ti uminum iti copa a dandani inumac? Cunada kencuana: Wen: mabalinmi.

San Mateo 26:39

Ket nagna pay bassit iti masangoanan, ket inrucnoyna ti rupana ket nagcararag a cuncunana: Ama, no mabalin lumabas coma caniac daytoy a copa; ngem saan a cas iti cayatco, no di cas iti cayatmo.

San Mateo 26:42

Napan manen, iti maicadua, ket nagcararag a kinunana: O Ama, no daytoy a copa saanna a mabalin ti lumbes, no di isu inumec, maaramid coma ti pagayatam.

San Lucas 12:30

Ta isu-amin dagitoy a banag agagawaan dagiti nacion ti lubong; ngem ni Amayo ammona a masapulyo dagitoy.

San Lucas 22:42

A kinunana: Ama, no pagayatam, iyadayum cadi daytoy a copa caniac; nupay casta, saan coma a maaramid, ti pagayatac no di ti pagayatam.

San Juan 15:10

No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

San Juan 17:24

Ama, ti intedmo caniac cayatco a no adino ti yanco, addada met coma a maicuyog caniac; tapno makitada ti dayagco nga intedmo caniac: ta inayatnacon idi saan pay a nabangon ti lubong.

San Juan 18:36

Simmungbat ni Jesus: Ti pagariac saan a ditoy a lubong: ta no ditoy a lubong coma ti pagariac, dagiti adipenco makibacalda coma tapno saanac a maiyawat coma cadagiti Judio; ngem ita, ti pagariac saan a ditoy.

San Juan 20:17

Cuna kencuana ni Jesus: Dinac sagiden, ta saanac pay nga immuli ken Amac: ngem inca cadagiti cacabsatco, ket cunam cadacuada: Umuliac ken Amac, ken Amayo, ken iti Diosco ken Diosyo.

2 Taga-Corinto 10:4

(Ta dagiti igam ti kinasoldadomi saanda a naglasag, ngem mannacabalinda iti Dios a mangrebbec cadagiti sarikedked);

2 Taga-Corinto 6:7

A buyugan ti sao ti kinapudno, ti pannacabalin ti Dios; gapu iti cabal ti kinalinteg, iti macanawan ken iti macatigid,

Hebreo 12:2

A kitkitaentayo ni Jesus, a pangulo ken mangtungpal ti pammati, isu a gapu iti rag-o a naicabil iti sangoananna, inibturanna ti cruz, nga inwacsina ti bain, ket nagtugaw iti macanawan ti trono ti Dios.