San Juan 17:9 - Ti Biblia (1973)

⁹ Idawatac ida: diac idawatan ti lubong, no di ket dagiti intedmo caniac, ta cucuam ida.

Ti Baro a Naimbag a Damag Biblia

⁹ “Idawdawatak ida. Saanko nga idawdawatan ti lubong no di ket dagiti tattao nga intedmo kaniak, ta kukuam ida.

San Juan 17:9 Iomraidhean Croise

San Lucas 22:32

Ngem siac indawatanca tapno ti pammatim saan coma a mapucaw: ket sica inton macapagbabawican, pabilgem dagiti cacabsatmo.

San Lucas 23:34

Ket ni Jesus kinunana: Ama, pacawanem ida, ta dida ammo ti aramidenda. Ket nagbibingayanda a naggiginnasatanda dagiti pagananayna.

San Lucas 8:34

Ket idi nakita dagiti agtartaraken ti naaramid, timmarayda, ket impacaammoda iti Ili ken cadagiti awaway.

San Juan 14:16

Ket agdawdawatacto ken Ama, ket iccannacayto ti Manangliwliwa a sabali, tapno adda cadacayo nga agnanayon.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 17:20

Ket saan laeng a dagitoy ti idawdawatac, no di ket dagiti pay mamati caniac gapu iti saoda:

San Juan 17:6

Impalawagco ti naganmo cadagiti tao nga intedmo caniac, itoy lubong: cucuam ida idi ket intedmo ida caniac, ket sinalimetmetanda ti saom.

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

San Juan 6:39

Ket daytoy ti pagayatan ti nangibaon caniac: Nga amin nga intedna caniac, awan coma ti pucawec, no di ket pagungarec iti camaudianan nga aldaw.

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Hebreo 9:24

Ta saan a simrec ni Cristo iti maysa a Santo a disso nga inaramid ti ima, nga isu ti catulad ti napudno, no di ket idiay langit met laeng, tapno agparang ita iti sangoanan ti Dios gapu cadatayo:

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.