San Juan 17:3 - Ti Biblia (1973)

³ Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

Ti Baro a Naimbag a Damag Biblia

³ Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 17:3 Iomraidhean Croise

1 Cronicas 28:9

Ket sica, Salomon nga anacco, ammoem ni Dios ti amam, ken agservica kencuana a buyogen ti maysa a puso a sipapalungdo ken iti maysa a nakem a natulnog; ta ni Jehova sukimatenna dagiti amin a puspuso, ken maawatanna amain dagiti ar-arapaap dagiti panpanunot. No isu ti sapulem, isu masaracmonto; ngem no isu idiam, iwacsinacanto iti agnanayon.

2 Cronicas 15:3

Nabayag a tiempo itan, nga awan iti Israel ti napaypayso a Dios, awan ti padi a mangisursuro, ken awan ti linteg:

Dagiti Salmo 9:10

Ket dagiti macaammo iti naganmo agcammatalecdanto kenca, ta sica, Jehova, saanmo a binaybay-an dagiti agbiroc kenca.

Dagiti Proverbio 8:35

Ta siasinoman a macasarac caniac masaracanna ti biag, ken magun-odnanto ti parabur ni Jehova.

Isaias 48:16

Umasidegcayo caniac, denggenyo daytoy; nanipud idi punganay; saanac a nagsao iti linged; nanipud idi pannawen a kinaaddana, addaac idiay: ket ita ni Apo Jehova imbaonnac, ken ti Espirituna.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Isaias 61:1

Ti Espiritu ni Apo Jehova adda caniac; ta ni Jehova pinulotannac a mangicasaba cadagiti naimbag a damdamag cadagiti naemma: imbaonnac a mamatapat iti puso a nadunor, a mangiwarragawag iti wayawaya cadagiti nacayawan, ken ti pannacaluc-at cadagiti nabalud;

Jeremias 10:10

Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

Oseas 6:3

Ammoentayo coma ket sumurottayto coma a mangammo ken ni Jehova: ti iruruarna di-bumurong a cas iti bigat; ket isu umayto cadatayo a cas iti tudo, a cas iti maududi a tudo a sibuganna ti daga.

San Marcos 9:37

Siasinoman nga umawatto a gapu iti naganco iti maysa cadagiti cacastoy nga ubbing, siac ti awatenna; ket ti umawat caniac, saan a siac ti awatenna, no di daydiay nangibaon caniac.

San Lucas 9:48

Ket cunana cadacuada: Uray siasino nga umawatto itoy ubing iti naganco, awatennacto; ket uray siasino nga umawat caniac, awatenna ti nangibaon caniac; ta ti canumoan cadacay amin, isu met laeng ti cangatoan.

San Juan 10:36

Cunaenyo iti pinagsanto ti Ama, ken imbaonna ditoy lubong; agtabbaawca; agsipud ta kinunac: Siac ti Anac ti Dios?

San Juan 11:42

Ket ammoc nga ipangagnac iti agnanayon; ngem gapu cadagitoy adu a tao nga agtatacder iti aglawlaw nagsaoac tapno patienda a sica imbaonnac.

San Juan 14:26

Ngem ti Manangliwliwa, ti Espiritu Santo, nga ibaonto ni Ama iti naganco, isu isuronanto cadacayo dagiti amin a banag, ket ipalagipnanto cadacayo dagiti isu-amin nga imbagac cadacayo.

San Juan 17:18

Cas imbaonnac ditoy lubong, imbaonco met ida itoy lubong.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 3:34

Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

San Juan 5:44

Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

San Juan 6:57

Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

San Juan 7:29

Siac ammoc, ta naggapuac kencuana, ket isu imbaonnac.

San Juan 8:19

Kinunada ngarud, kencuana: Adino ti yan ti Amam? Simmungbat ni Jesus: Uray siac, uray ni Amac dicay ammo; no ammodac coma, ammoyo met coma ni Amac.

1 Taga-Corinto 15:34

Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.

1 Taga-Corinto 8:4

No maipapan ngarud iti pannangan cadagiti maidaton cadagiti ladladawan a didiosen, ammomi a ti ladawan a didiosen awan papaayna ditoy lubong, ket awan Dios no di maymaysa.

2 Taga-Corinto 4:6

Ta ti Dios kinunana: Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

Taga-Filipos 3:10

Tapno maammoac, ni Cristo ken ti pannacabalin ti panagungarna, ken ti pannacaicaddua cadagiti sinagabana, a mayaspingac iti ipapatayna;

Taga-Filipos 3:8

Nangnangrona pay, isu-amin dagiti banag ibilangco ida a pannacadadael, gapu iti napateg unay a pannacaammo ken Cristo Jesus, nga Apoc, a gapu kencuana pinucawco amin, ket ibilangco ida a rugit, tapno magun-odac ni Cristo,

1 Taga-Tesalonica 1:9

Ta isuda met laeng ibagada ti maipapan cadacami, no casano ti idadatengmi cadacayo, ken no casano ti panagsubliyo iti Dios manipud cadagiti didiosen, tapno agservicayo iti Dios a sibibiag ken pudno.

2 Taga-Tesalonica 1:8

A balsenna dagiti saan a mangammo iti Dios, ken di agtulnog iti evangelio ni Apotayo a Jesus:

Hebreo 3:1

Gapuna, cacabsat a sasanto, a mairaman iti pannacaawis a nailangitan, panpanunutenyo ti Apostol ken Cangatoan a Padi ti pammatitayo, nga isu ni Jesus;

2 Pedro 1:2

Parabur cadacayo ken ti talna umadu coma iti pannacaammo iti Dios ken ni Jesus nga Apotayo:

2 Pedro 1:3

Idinto nga iti nadiosan a pannacabalinna intedna cadatayo dagiti isu-amin a banbanag a maipaay iti biag ken kinasingpet, gapu iti pannacaamo kencuana a nangayab cadatayo babaen iti dayag ken pannacabalinna met laeng:

2 Pedro 1:8

Ta no addaancayo cadagitoy a banbanag ken nawadwadda cadacayo, aramidendacayto a saan a nasadut ket agbungacayo ti pannacaammo ken Apotayo a Jesu-Cristo.

1 Juan 1:2

(Ket ti biag naiparangarang, ket nakitami, ket panecnecanmi, ket ipacaammomi cadacayo ti biag, daydiay biag nga agnanayon, nga adda idi iti Ama, ket naipakita cadacami):

1 Juan 1:3

Ti nakitami ken ti nangngegmi, isuda dagiti ipacaammomi cadacayo, tapno dacayo adda pacaicadcadduaanyo cadacami; wen, ket pudno a ti pannakicadcadduatayo adda iti Ama ken iti Anacna, a Jesu-Cristo:

1 Juan 2:23

Siasinoman a mangilibac iti Anac, awan met ti Ama kencuana: ti mangipudno iti Anac, adda met kencuana ti Ama.

1 Juan 4:6

Datayo tattaonatayo ti Dios: ti macaammo iti Dios, denggennatayo; ti saan a tao ti Dios, saannatay a denggen: gapu itoy maammoantayo ti espiritu ti pudno ken ti espiritu ti ulbod.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.