San Juan 17:25 - Ti Biblia (1973)

²⁵ O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

Ti Baro a Naimbag a Damag Biblia

²⁵ Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:25 Iomraidhean Croise

Isaias 45:21

Ipablaacyo, ken isu ti iparangyo; wen, agpipinnatigmaanda coma; asino ti nangipakita iti daytoy nanipud idi ugma? asino ti nangipablaac itoy idi nabayagen a pannawen? saan a siac aya, ni Jehova? ket awan ti sabali a Dios no di la sisiac, maysa a nalinteg a Dios ken maysa a Mangisalacan: awanen ti sabali no di la sisiac.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 1:18

Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

San Juan 10:15

A cas ti Ama amammonac, casta met siac amammoc ti Ama: ket itedco ti biagco maipoon cadagiti carneroc.

San Juan 15:21

Ngem amin dagitoy aramidendanto cadacayo gapu iti naganco, ta dida ammo ti nangibaon caniac.

San Juan 16:27

Ta ni met laeng Ama ayatennacayo, gapu ta dacayo inayatdac ket pinatiyo a naggapuac iti Dios.

San Juan 16:3

Ket dagitoy aramidendanto, ta dida amammo ni Ama uray siac.

San Juan 16:30

Ita maawatanmi nga ammom dagiti isu-amin, ket di masapul ti siasinoman ti agintuud kenca: daytoy ti pamatianmi a naggapuca iti Dios.

San Juan 17:11

Ket awanacon iti lubong; ket dagitoy addada iti lubong, ket umayac kenca. Ama a Nasantoan! aywanam iti naganmo dagiti intedmo caniac, tapno agmaymaysada, a cas cadata.

San Juan 17:18

Cas imbaonnac ditoy lubong, imbaonco met ida itoy lubong.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 6:19

Idi nacapaggaodda ngarud, ti cas la lima wenno pito a kilometro, makitada ni Jesus a magmagna iti rabaw ti baybay, ket umasideg iti barangay: ket nagbutengda.

San Juan 7:29

Siac ammoc, ta naggapuac kencuana, ket isu imbaonnac.

San Juan 8:19

Kinunada ngarud, kencuana: Adino ti yan ti Amam? Simmungbat ni Jesus: Uray siac, uray ni Amac dicay ammo; no ammodac coma, ammoyo met coma ni Amac.

San Juan 8:55

Ket isu dicay naammoan; ngem siac ammoc: ket no cunac coma nga diac ammo, caslaacto coma cadacayo, a naulbod: ngem isu ammoc, ket salimetmetac ti saona.

Dagiti Aramid 17:23

Ta iti ilalabasco ken panangkitac cadagiti carcararaganyo, nacasaracac met ti maysa nga altar a yan daytoy a surat: MAIPAAY ITI DIOS A DI AMMO. Daydiay ngarud daydayawenyo a dicay ammo, isu ti ipadamagco cadacayo.

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Taga-Roma 1:28

Ket agsipud ta dida kinayat nga inammo ti Dios, ti Dios binaybay-anna ida iti maysa a nakem a dakes, tapno aramidenda dagiti banbanag a di maipaay;

Taga-Roma 3:11

Awan ti macaawat, Awan ti agsapul iti Dios;

Taga-Roma 3:26

Tapno ti kinalintegna maiparangarang iti agdama a tiempo; tapno maipakita a nalinteg, ken mangpalinteg iti adda pammatina ken Jesus.

1 Taga-Corinto 1:21

Idinto ta, gapu iti kinasirib ti lubong, saanna a nabigbig ti kinasirib ti Dios, ti Dios kinayatna nga isalacan dagiti mamati, gapu iti kinanengneng ti pannacaicascasaba.

1 Taga-Corinto 15:34

Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

2 Taga-Tesalonica 1:8

A balsenna dagiti saan a mangammo iti Dios, ken di agtulnog iti evangelio ni Apotayo a Jesus:

Hebreo 8:11

Ket didanto mangisuron tunggal maysa iti cailianna, Ket tunggal maysa iti cabsatna, a cunana: Ammoen ti Apo: Ta isuda amin maammoandacto, Manipud iti cabassitan agingga iti cadackelan cadacuada:

1 Juan 1:9

No ipudnotayo dagiti basbasoltayo, isu ti mapagtalcan ken nalinteg a mamacawan cadagiti basbasoltayo, ken mangugas cadatayo iti amin a kinakillo.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 16:5

Ket nangngegco daydi angel dagiti danum a cuncunana: Sica nalintegca, O Santo nga addaca, ita ket addaca idi, agsipud ta nangipatoca a castoy.