San Juan 17:18 - Ti Biblia (1973)

¹⁸ Cas imbaonnac ditoy lubong, imbaonco met ida itoy lubong.

Ti Baro a Naimbag a Damag Biblia

¹⁸ Kas iti panangibaonmo kaniak ditoy lubong, kasta met ti panangibaonko kadakuada iti lubong.

San Juan 17:18 Iomraidhean Croise

San Mateo 10:5

Dagitoy sangapulo ket dua imbaon ni Jesus idi nalpasna a binilbilin ida a cuncunana: Dicay mapan iti dalan dagiti Gentil ket dicay sumrec iti ili dagiti taga Samaria;

San Mateo 23:34

Gapuna, adtoy ibaonco cadacayo dagiti mammadto, ken mamasirib, ken escriba; ket cadacuada adda papatayenyonto ken ilansayo iti cruz, ket adda saplitenyonto cadagiti sinagogayo, ken irurumenyo iti ili ken ili.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 20:21

Ni Jesus ngarud kinunana manen cadacuada: Talna coma cadacayo: cas iti pinangibaon caniac ni Ama, casta met ti panangibaonco cadacayo.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 4:38

Siac imbaoncayo nga agani iti dicay tinalon: sabali dagiti nagtalon, ket dacayo simreccayo cadagiti tinalonda.

2 Taga-Corinto 5:20

Dacami ngarud dagiti maibaon iti biang ni Cristo, a cas la agdawdawat ti Dios cadacayo gapu cadacami: iti biang ni Cristo dawatenmi, a makicappiacay iti Dios.

Taga-Efeso 3:7

Gapu itoy naaramidac a ministro cas iti sagut daydi parabur ti Dios a naited caniac, cas iti panangaramid ti pannacabalinna.