San Juan 17:15 - Ti Biblia (1973)

¹⁵ Diac dawaten nga iccatem ida ditoy lubong, no di ket igagam coma ida iti dakes.

Ti Baro a Naimbag a Damag Biblia

¹⁵ Diak dawaten nga ipanawmo ida ditoy lubong, no di ket salaknibam ida iti Managdakdakes.

San Juan 17:15 Iomraidhean Croise

Genesis 48:16

Ti angel a nangilisi caniac iti amin a dakes, bendicionanna coma dagiti ubbing; ket ni naganco matawagan coma cadacuada, ken ti nagan dagiti ammac a ni Abraham ken ni Isaac; agbalinda coma a maysa a caadu iti tengnga ti daga.

1 Cronicas 4:10

Ket ni Jabes inawaganna ti Dios ti Israel, a kinunana, O bendicionannac coma a pudno, ken palawaem ti beddengco, ket ta imam adda coma caniac, ket igaganac coma iti dakes, tapno di agtaeng ti ladingitco! Ket ti Dios intedna kencuana ti dinawatna.

Dagiti Salmo 121:7

Ni Jehova saluadannacanto iti amin a dakes; igagananto ta cararwam.

Dagiti Salmo 30:9

Ania ti pateg ti darac, inton umulogacon iti abut? Ti tapuc idaydayawnacanto ngata? Ipaduyacyacnanto ngata ti kinapudnom?

Eclesiastes 9:10

Ti aniaman a masaracan ta imam nga aramiden, isu ti aramidem iti cabaelam; ta awan ti aramid, wenno, wenno gacat, wenno pannacaammo, wenno sirib, idiay Tanem, a papanam.

Isaias 57:1

Ti nalinteg mapucaw, ket awan ti tao a mangicascaso; ket dagiti manangaasi a lallaki maiccatda, awan ti mangotob a ti nalinteg maiccat iti sangoanan ti dakes nga umay.

San Mateo 5:37

Castoy ngarud ti panagsaoyo: Wen, wen; Saan, saan; ta ti suroc dagitoy, nagtaud iti dakes.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

San Lucas 11:4

Ket pacawanem cadacami dagiti basbasolmi; ta pacawanenmi met ti isu-amin a macautang cadacami. Ket dinacam iyeg iti pannacasulisog, (ngem isalacannacam ket iti dakes.)

San Lucas 22:32

Ngem siac indawatanca tapno ti pammatim saan coma a mapucaw: ket sica inton macapagbabawican, pabilgem dagiti cacabsatmo.

Taga-Galacia 1:4

Isu nga intedna ti bagina gapu cadagiti basbasoltayo, tapno isalacannatayo itoy agdama a lubong a dakes, cas mayannurot iti nakem ti Dios ken Amatayo:

2 Taga-Tesalonica 3:3

Ngem ti Apo matalec, isu a mamagtalinaedto cadacayo, ket aluadannacayto iti dakes.

2 Timoteo 4:8

Manipud ita naisagana a maipaay caniac ti balangat ti kinalinteg, nga itedto caniac ti Apo, ti nalinteg nga Ocom, iti daydiay nga aldaw; ket saan laeng a caniac, no di cadagiti isu-amin nga agayat iti panagparangna.

1 Juan 5:18

Ammotayo a ti siasinoman a nabukel iti Dios, saan nga agbasol no di ket, ti nabukel iti Dios agannad, ket ti dakes saan a sumagid kencuana.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.